Getxo Kulturak arte bisualen erakusketen laugarren deialdia abiatu du

Parte hartzeko eskabideak aurkezteko epea azaroaren 14ra arte egongo da zabalik. Deialdiari buruzko informazio guztia www.getxo-kultura.eus/deialdia web orrian dago, Getxoko Udalak jakinarazi duenez.

Ekimenaren bidez, Getxo Kulturak sorkuntza bisualaren lana hurbildu nahi die herritarrei, eta artistei beren lanak erakusteko behar dituzten baliabide espazialak eta ekonomikoak eman.

Erakutsi nahi diren obren adin nagusiko egileek parte hartuko ahalko dute, banaka edo taldeka. Diziplina artistikoak eta erakutsiko diren lanen formatuak pintura, eskultura, argazkigintza, instalazioak, bideoartea eta arte bisualei lotutako guztiak izango dira. Proiektuetan, obren ezaugarriak eta erakusketa formatua zehazteaz gain, beharrezkoa izango da bitartekaritza plan bat ere aurkeztea, lanak herritarrei hurbiltzeko.

Jasotako eskabideen artean zenbait proposamen hautatuko dira, Getxoko Kultur Etxeak aurreikusitako programazio aukeren eta erakusketen arabera. Herriko errealitate artistikoa ezagutzen duten teknikariek eta arte plastikoetan eta bisualetan adituak diren pertsonek osatutako hautaketa batzorde bat arduratuko da aukeraketaz.

Aurreikuspenen arabera, hautatuko proposamenak 2026ko uztailetik 2027ko martxora bitartean erakutsiko dira Romoko eta Villamonteko erakusketa aretoan, bai eta Algortako Azokako erakustokian ere, Getxo Kulturako programaziorako kontratazioaren bidez. Villamonte aretoaren kasuan, bertan egiten ari diren obrak direla eta, lokalaren erabilgarritasuna mugatua izango da.

Deialdian parte hartzeko eskabideak era telematikoan aurkeztu ahal izango dira Getxoko Udaleko Administrazio Elektronikoaren Bulegoaren bidez, https://eudala.getxo.eus/ helbidean, azaroaren 14ra arte. Getxo Kultura 15.000 euroko aurrekontua izango du gehienez ekimenerako, gehienez 25 proiektu aukeratu ahal izango dira, eta bakoitzak 600 euro jasoko ditu.