Aurreko edizioek izandako arrakasta kontuan izanda, hemen da Barakaldo Udazkena Rock jaialdiaren edizio berri bat. Bihar bertan hasiko da, irailaren 12an, eta urriaren 4ra arte luzatuko da. Guztira Barakaldoko hamalau taldek hartuko dute parte, eta San Bizente, Arrontegi, Zaballa, Zuazo-Arteagabeitia, Retuerto, Bagatza eta Herriko Plaza izango dira egoitzak.
"Barakaldon zuzeneko musikaz gozatzen dugu eta bertako bandak izatea gustatzen zaigu, auzoetan doako kultura eta aisialdia eskaintzeko", azaldu du Nerea Cantero Kultura eta Hezkuntza zinegotziak.
Edizio honetan zazpi hitzordu programatuko dira, eguneko bi bandarekin. Jaialdia irailaren 12an, ostirala, hasiko da (20.00etan), Densidad Zero eta Alerta Petrov taldeekin, San Vicenten. Irailaren 19an (20.00etan) Malestar eta Motorsex taldeek joko dute Arrontegin. Larunbatean, irailaren 20an, Nasti de Plasti eta Tipulagazzen musika entzungo da Zaballan (Elkano metroaren ondoan).
Irailaren 25ean (osteguna, 20.00etan) Hombre Normal y Transeúntes taldeak joko du Zuazo-Artegabeitian. Ostiralean, hilak 26 (20.00etan), Fugitivos de la Luz y Sabes muy bien lanaren txanda izango da, Retuerton.
Urrian, hilaren 3an (20.00etan), Bagatzan Room20 eta Alex de Benito Band taldeak. Azken kontzertua urriaren 4an izango da, Herriko Plazan, Falling Black eta Ardo Beltza taldeekin.
"Kontzertuak guztiz doakoak dira eta, beraz, herritarrak bertako rockaren erritmoan murgiltzera eta hiriko auzoez, merkataritzaz, ostalaritzaz, giroaz... gozatzera gonbidatu nahi nituzke", adierazi du Canterok.
