Astearte honetan goizean, irailaren 9an, Barakaldoko Udalak udalerriko haur liburutegiak magiaz beteko dituen Bazen Behin izeneko programaren edizio berria aurkeztu du, Barakaldoko Liburutegien Sarearen barruan garatzen dena. Programa honek ipuin kontalarien saioak eskaintzen ditu, batez ere 5 eta 8 urte bitarteko haurrentzat.
Kontakizunek familiak fantasiaren mundura eramaten dituzte, baina aurten programak lau saio berezi ditu: bi, urte 1 eta 3 urte bitarteko haurrentzat eta beste bi, 2 urte eta 4 urte bitarteko haurrentzat. "Familiek umeekin egiteko jarduerak bilatzen dituzte eta Bazen Behin modalitate honetara ezin hobeto egokitu daitekeela uste dugu", adierazi du Nerea Cantero Barakaldoko Kultura zinegotziak.
Saioak irailaren 19an hasiko dira Arteagabeitiako liburutegian eta azaroaren 28an amaituko dira Arteagabeitian eta Arrontegin. Istorio guztiak euskaraz kontatuko dira, eta, horrela, eskola eremutik haratago duten erabilera indartzen lagunduko da. Saioak doakoak dira, baina aldez aurretik izena eman behar da, Udalaren webgunean nahiz liburutegietan bertan. Jarduera bakoitzak gehienez 25 haur eta 25 heldu hartuko ditu, eta lehentasuna izango dute Barakaldon erroldatutako familiek.
Programa hiriko liburutegietan zehar ibiliko da ¿ Arteagabeitia, Gurutzeta, Lutxana, Retuerto, Rontegi eta San Bizente ¿, piraten abenturak, kontakizun magikoak, hitz jokoak edo animalien istorioak barne hartzen dituzten gaiak jorratuz. "Barakaldoko Liburutegien Sarea kultura-motorra da gure auzoetan, eta Bazen Behin programarekin kalitatezko jarduerak hurbiltzen ditugu auzotara, doakoak eta familian partekatzeko pentsatutakoak. Kulturak, gure hiriko bizitza nola hobetzen duen erakusten duen adibide argia da", adierazi du zinegotziak.
Bazen Behin programarekin, Barakaldok kultura- eta hezkuntza-sustapenarekin duen konpromisoa indartzen du, familiek irakurketaren eta euskararen inguruko esperientziak haurtzarotik partekatzeko gune bat eskainiz. Bazen Behin Barakaldoko kultur egutegian aurreikusitako hitzordu gisa sendotzea lortu dugu. Programa honen aldeko apustua egiten jarraituko dugu, badakigulako haurtzarotik irakurketaren hazia ereitea etorkizunaren aldeko apustua egitea dela", amaitu du Canterok.
