Udalerrian dibertsitate funtzionala duten pertsonek kirolean parte hartzeko gaur egun dituzten oztopoak identifikatu egin ditu Durangoko Udalak. Horretarako, 'Durango: Dibertsitate funtzionala duten pertsonak eta kirolean duten inplikazioa' izeneko diagnostikoa egin du Bizkaiko Foru Aldundiarekin batera.

Udalerrian dibertsitate funtzionala duten pertsonen egoera aztertzen duen ikerketa sakona da, bereziki kirol-jardueretan duten parte-hartzeari dagokionez. Txostenaren helburua kirolean parte hartzea zailtzen duten egungo oztopoak identifikatzea eta Durangoko gizarte- eta kirol-bizitzan haien txertaketa hobetzeko irtenbide zehatzak proposatzea da.

Diagnosiak desgaitasuna duten pertsonekin lan egiten duten tokiko erakunde, hezkuntza-erakunde eta gizarte-elkarteen laguntza izan du. Datuak desgaitasuna duten pertsonei, haien familiei eta hezkuntza- eta kirol-esparruetan haiekin lan egiten duten profesionalei egindako inkesta eta elkarrizketen bidez bildu dira.

Ikerketatik nabarmendu daitezkeen datuak honako hauek dira: Durangon desgaitasun ohikoena intelektuala da (%50), ondoren fisikoa (%26,6) eta gaixotasun mentalagatik (%18,3). Kirolari dagokionez, emakumeek gehien praktikatzen dituzten kirolak saskibaloia eta igeriketa dira, eta gizonek, aldiz, igeriketa eta saskibaloia.

Kirol-inklusioa hobetzeko proposatutako ekintzak

Ekintzak elkarteek batutako informazioan eta pertsonek banaka egin dituzten galdetegietan oinarrituta proposatu dira. Kirol arloan, kirol-klubei zuzendutako sentsibilizazio-kanpainak, kirol eskaintzan inklusioa eta kirol egokituaren edo instalazio irisgarriagoen sustapenerako jardunaldiak egitea proposatzen da.

Hezkuntza arloan, ikastetxeak prestatzea eta sentsibilizatzea, edo dibertsitate funtzionala duten pertsonekin esperientzia kirol puntualak txertatzea proposatzen da.

Gizarte-erakundeen kasuan, ekintza sarean lan egitea, langileak prestatzea eta informazioa areagotzea da proposatzen dena. Era berean, ekintzak proposatu dira Udalarentzat oro har, hala nola, SOAF sustatzea, dagoeneko dauden jardueren zabalkundea eta informazioa ematea, edo ekitaldi komunitarioak egitea.

Gizarte-erakundeen kasuan, ekintza sarean lan egitea edo langileak prestatzea eta informazio gehiago ematea planteatu da. Era berean, Udalarentzat oro har ekintzak proposatu dira, hala nola, jarduera fisikoaren orientzio zerbitzuak (SOAF) sustatzea, lehendik dauden jardueren zabalkundea eta informazioa ematea edo ekitaldi komunitarioak egitea.

Gizarte Ongizateko zinegotzi Jesica Ruizek eta Kiroletako zinegotzi Iker Txertudik nabarmendu dutenez: “Ekintza horiek 2026an aztertuko dira, eta horietako batzuk ere gauzatuko dira, Durango pertsona guztientzat inklusiboagoa eta irisgarriagoa izan dadin, haien gaitasunak kontuan hartu gabe, eta guztiek kirol eta gizarte bizitzan aktiboki parte hartzeko aukera izango dutela bermatzeko. Proposatutako ekintzek dibertsitate funtzionala duten pertsonen bizi-kalitatea hobetu nahi dute, gizartean, kirolean eta herriko jarduera guztietan erabateko parte-hartzea sustatuz”.