Urtero bezala, Bizkaiko eta Euskadiko milaka eta milaka pertsona hurbilduko dira Durangora ostiral honetatik igandera bitartean, hau da, abenduaren 6, 7 eta 8an, bertan ospatuko den Durangoko Azokaz gozatzeko. Hori dela eta, udalerriko ekitaldi garrantzitsuenetako batean espazio publikoen garbitasuna eta zaintza bermatzeko, Durangoko Udalak garbiketa-dispositibo berezia jarriko du martxan egun horietan.
Errefortzuaren barruan sartzen da gune estrategikoetan edukiontzi gehigarriak jartzea, hala nola Landakoko zabalgunean, Plateruenaren atzean eta Landako Gunearen eta Ibaizabal parkearen arteko inguruetan. Neurri horien helburua da hondakinak behar bezala biltegiratzea erraztea eta udalerriak iraunkortasunarekin eta hondakinen kudeaketa arduratsuarekin duen konpromisoa indartzea.
Zerbitzu operatiboari dagokionez, honako baliabide hauek izango ditu.
Tresneria eta makineriari dagokionez, bi baldeagailu (normalean batek jarduten du), 4 ekortzeko makina eta bi kamioi, atzeko bilketarekin.
Langileari dagokionez, egunean zehar garbiketako 10 langile, batzuk orgatxoekin eta beste batzuk Goupil ibilgailuekin egongo dira; arratsaldean, bi laguneko talde gehigarri bat; eta gauean, aldiz, bi kamioi arduratuko dira hondakinak biltzeaz. Horrez gain, arduradun bat egongo da zerbitzuaren funtzionamendu egokia gainbegiratzen.
Udalak gogorarazi nahi izan du hasi aurreko egunean, abenduaren 5ean, osteguna, garbiketa zerbitzua ohiko ordutegien arabera egingo dela.
Errefortzu horrek agerian uzten du Durangoko Udalak konpromisoa hartu duela ingurunea zaintzeko eta azokan zehar herritarrentzako eta bisitarientzako espazio garbi eta seguruak mantentzeko.
