Martxan da Meatze-pintxoen edizio berri bat

Lehiaketa honek Abanto Zierbenako barrako sukaldaritzarik onena eskaintzen duten lokalak erakutsi nahi dizkie herritar eta bisitariei, izan ere, erakusleiho onenetako bat da pintxo klasikoaren edota sormenezko ostalaritzaren protagonista nagusientzat. Gaur goizean bertan xehetasun guztiak ezagutzera eman dira, Gallartako Ekoetxean egin den prentsaurrekoan.

"Aurten ere, Abanto Zierbenako Udalak lehiaketa honen aldeko apustua egin du, mugimendu ekonomiko handia sortzen duelako eta, ondorioz, udalerrian eta bertako ostalaritza-lokaletan ondorio positiboak eragiten dituelako. Horrela jarraitzen dugu, ostalaritzako lokalak sustatuz, herritarren kontsumoa sustatuz eta Meatzaritza Pintxoaren markaren bidez ostalaritza biziberrituz", nabarmendu du Maitana Martínez Goiri, Ekonomiaren Garapen, Turismo eta Merkataritza zinegotziak.

Lehiaketa azaroaren 23ko eta 24ko eta azaroaren 31ko eta abenduaren 1eko asteburuetan​ egingo da eta guztira 8 lokalek hartuko dute parte: Aliron, J2 taberna, JR taberna, El patio, Enparantza, La casa del pueblo, Mai gau txori eta Meatza (2023ko irabazleetako bat). Lokal bakoitzak pintxo bakarra aurkeztuko du lehiaketara. Pintxo horrek euskarazko izena izango du eta meatzaritzarekin lotuta egongo da. Sorkuntzak, gutxienez, 13:00etatik 15:00etara egongo dira salgai, eta horien prezioa, kasu guztietan, 2 eurokoa izango da, eta edaria aparte kobratuko da.

Maitana Martínez Goirik azaldu duenez, sariei dagokienez, 5 sari banatuko dira guztira: Edurne Santiago eduki sortzailea eta hainbat lehiaketa gastronomikotako epaimahaia, Silvia Díaz La Muga jatetxeko kudeatzailea eta Aitor Pérez Bilboko plaza berriko La olla tabernako sukaldeburua, besteak beste, osatutako epaimahai profesionalak lehen eta bigarren pintxorik onena (irudia, zaporea, testura... kontuan hartuta) eta meatzaritzarekin eta originaltasunarekin lotutako aurkezpenik onenaren meatzaritzako accesit saria aukeratuko ditu. Herritarrek, bestalde, meatzaritzako lehen eta bigarren pintxo onenak aukeratuko dituzte, parte hartzen duten lokaletako hautestontzietan bototxartelak utziz. Ildo horretan, aipatu behar da, herritarren parte-hartzea sustatzeko eta jendeak establezimendu guztiak bisitatzeko, kartilla batzuk banatuko direla lokaletan, kontsumizioa egin ondoren zigilatuko direnak, eta 5 euroko bonu bat emango zaiela parte hartzen duten ostalaritzaestablezimenduetan kartillaren erdia gutxienez zigilatzea lortzen dutenei. 

Gainera, 50 euroko saria zozketatuko da parte hartzen duten ostalaritza-establezimenduetan kontsumitzeko opari-txekeetan. Sariei dagokionez udalerrian kontsumitzeko opari-txekeak izango dira: 200 eurokoak lehen postuetarako, 100 eurokoak bigarren postuetarako eta 50 eurokoak accesiterako. Epaimahaiaren erabakia (gaur bertan Ekoetxea Meatzaldean egin den aurkezpen ekitaldian pintxoak probatu eta bere balorazioa eman du) apelaezina izango da eta abenduaren 27an jakinaraziko da bertan antolatuko den ekitaldi publiko batean. Egun horretan pintxo irabazleen sariak eta parte hartzen duten lokal guztientzako aintzatespen saria banatuko dira.

Azkenik, Iñaki Urrutia del Cura alkateak mimo eta maitasun handiz sortutako pintxo horiek dastatzeko deia egin die herritar guztiei eta bisitariei. “Abanto Zierbenan dugun gastronomia pribilegiatuaz gozatzeaz gain, udalerriko ostalaritza-lokalei bultzada txiki bat emango diegu. Bide batez, eskerrak eman nahi dizkiet Aliron, Bar J2, Bar JR, El patio, Enparantza, La casa del pueblo, Mai gau txori eta Meatzari parte hartzaileei eta, jakina, epaimahaiko hiru kideei ".