Astearte honetatik aurrera, durangarrek Faustebekoko bidegorri berriaa eta oinezkoentzako pesealekuaz gozatu ahal izango dute, Udalak amaitutzat eman baititu lanak. Espazio berri horrek bidegorri bat eta espaloi bat ditu, Olleria kaletik Faustebekoa kalearen ondoko biribilgune berriraino hedatzen dena, eta inguru horretan oinezkoen eta txirrindularien ibilbidea nabarmen erraztuko du.

Bidegorri honen sorrerarekin, bidegorrien udal sarea ia 400 metrotan luzatzen da, txirrindularientzako eta oinezkoentzako aukera seguru eta atsegina eskainiz. Guztira 15 kilometro bidegorri ditu Durangok gaur egun. Proiektuak inguruan dauden balio handiko zuhaitz gehienak mantendu eta integratu ditu, eta argiteria eta bankuak instalatu dira, pasabidea funtzionalki ez ezik estetikoki atsegina eta segurua ere izango dela ziurtatuz erabiltzaile guztientzat.

Obrak PEOU-2 San Fausto hirigintza-eremuaren parte dira, eta sustatzaile pribatuek egindako inbertsioa dira, orain Durangoko Udalak bere gain hartu duena. Urbanizazio-obra horiek PEOU-2ko 3. fasean daude. Proiektuaren azken fasean, plaza berri bat eraikiko da, Faustebide eta Zirarmendieta artean, eta 2024rako amaitzea aurreikusi da.

Mireia Elkoroiribe Durangoko alkatea pozik agertu zen proiektuaren fase honen amaierarekin: "Bidegorri eta oinezkoen pasealeku berri hau durangarrek mugikortasuna eta bizi-kalitatea hobetzeko dugun konpromisoaren adibide garbia da". Oinezkoentzako eta txirrindularientzako ibilbideak errazteak, Durango iraunkorragoa izaten laguntzeaz gain, bizimodu osasungarriagoa sustatzen du. Oso pozik gaude gure bizilagunei eguneroko joan-etorrietarako espazio seguru eta atsegina eskaini ahal izateagatik

Urbanizazio-obren fase hau sustatzaileak garatu du, Udalak eskatuta, hirigintza-karga gisa, eta Durangoko Udalak hiri-garapen iraunkorrarekin eta tokiko azpiegituren etengabeko hobekuntzarekin duen konpromisoaren isla da. 

Mireia Elkoroiribek gaineratu du "Durango udalerri berde eta jasangarri gisa sendotzen ari dela, garraio garbia eta ingurumena errespetatzen duena sustatzen duten dozenaka kilometro bide berde baititu. Durango konexio eta mugikortasun jasangarriaren eredu bihurtzen ari da, durangar guztien ongizatea eta bizi-kalitatea sustatzen duen ingurunea sortuz. 2024an plaza berria amaitzearekin batera, ziur gaude eremu hori herritar guztientzako ezinbesteko topagune bihurtuko dela, bizikidetza eta ongizate komunitarioa sustatuz".