Maiatzaren 26tik 28ra eta ekainaren 2tik 4ra ospatuko dira Las Carreras auzoko jaiak

“Gustu eta adin guztietarako ekitaldiak, musika eta jarduerak daude, gure jaiek ahalik eta jende gehien bildu behar dutela uste baitugu, topaketarako eta ospatzeko egun hauetan”, adierazi du Etxebarriak.

Jaiei hasiera emango dien txupinazoa maiatzaren 26an (ostirala) izango da, arratsaldeko 19:00etan, Haritzalde Plazan. Pregoia Enarak Dantza Taldeak irakurriko du, bere 45. urteurrena delaeta, eta Korrontzik girotuko du. 19:30ean Montañoko Erronka eta Las Carrerasko Gazte Konpartsak antolatutako BTT Kronoigoera hasiko dira. 23:30ean, Iruñerritik, ska, reggae eta rocksteady Skabidean taldeak gaua girotuko du eta Dj Iñigorekin amaituko dugu. Ondoren, jaiarekin jarraitu nahi dutenentzat, Muxutruk taldea izango dugu La Trinidad Plazan, eta eskeletoa mugitzen jarraituko dugu!

 “Txikiek, gainera, aparfesta izango dute 16:45ean Amalia González Astobiza Parkean; 18:30ean kuadrilak jaitsiko dira eta 19:30ean txosnak irekiko dira La Trinidad Plazan. Bertan, Askartza Isusiko ikasleek egindako marrazkiak ikusi ahal izango dira. Ez itzazue galdu!”, jakinarazi du kultura zinegotzi Edu Menak.

Maiatzaren 27an (larunbata) eguna 09:00etan hasiko da, El Kalero tiro eremuan. Bertan, “Abanto Garaikurra” Arku-tiro Txapelketa Fernando López Lasuenen Memoriala egingo da, Abantoko Gezaleriak elkarteak antolatuta. 11:30ean Haritzalde Plazan XVII. Tiragoma Txapelketa izango da, Enkarterriko Tiragoma Elkarteak antolatuta, eta ordubete geroago, Jolas Tradizionalak egingo dira, Abanto Zierbenako Ostalarien eta Merkatarien Elkartearen (ACHA) eskutik. Las Carrerasko Gazte Konpartsak Txano Eguna eta bere “Photocall ibiltaria” ekarriko ditu bueltan.

Ekitaldi nagusia arratsaldean izango da, 18:30ean, Haritzalde Plazan. Bertan, Karibeko, Ekialdeko eta dantza aktiboen erakustaldia egingo da, besteak beste. 19:30ean Marabiyak Bike Sound System iritsiko da eta Las Carrerasko kaleak musikaz beteko ditu. DJ Reimyk bere bizikletatik musika ekarriko digu herriko leku ezberdinetara. Gauean, “Fluor Gaua” izango dugu La Trinidad Plazan, Las Carrerasko Gazte Konpartsaren eskutik, Ugerda taldearen kontzertuarekin eta Zazpizar Erromeriarekin. Eta erritmoa ez dadila falta, 00:00etan La Pasarela orkestrarekin dantzatuko baitugu.

“Arratsaldeko hiruretan herri bazkaria antolatu dugu, Antton Telleria, Iker Plazaola, Julen Portillo eta Ana Goitiaren bakarrizketekin. Barreak eta giro ona ziurtatuta egongo dira”, esan du kultura zinegotzi Edu Menak.

Igandean, jarduera gehiago izango ditugu, hala nola Enarak Dantza Taldearen eskutik gozatuko dugun dantza alardea, 11:00etan, elizako lorategietan; txikientzako haurparkea izango dugu Amalia González Astobiza Parkean, eta kalejira eta Bilbotarrak taldearen emanaldia Haritzalde Plazan, 13:00etan. Arratsaldean, 19:00etan, Karibera abiatuko gara Laskabailak La Trinidad Plazan antolatu duen Kubako festari esker eta “Amaury Santacruz” kantautorearen kontzertuarekin. Eta indarrak hartzeko, txitxi-burruntzien dastaketa Abanto Clubaren eskutik.

Jauzi bat egin eta ekainaren 2ra iritsiko gara (ostirala), Las Carrerasko ekitaldiekin jarraitzeko. Lehenik eta behin, txikienentzat txikifesta bat izango dugu Haritzalde Plazan, 18:00etan. Ordubete geroago, San Pedro Elizan Las Carrerasko San Pedro Abesbatzaren, Zorrotzako Mikel Deuna Abesbatzaren eta Barakaldoko Hala Dziporen udaberriko koru-kontzertua izango da. Kalejira batekin jarraituko dugu eta 23:30ean Xiberoots talde zuberotarraren kontzertua ikusteko aukera izango dugu, eta, ondoren, Urrats erromeriak gaua girotuko du ordu txikiak arte.

Ekainaren 3an (larunbata), 11:00etan, Montañoko V. Igoera izango da, Gure Mendi Zaharrak elkartearen eskutik. Eguerdian, berriz, Gogoaren Indarrak antolatutako patata tortilla lehiaketa egingo dugu, kirol-jokoak izango ditugu Atletismo Sendoa Klubaren eskutik, bai eta igel lehiaketa ere, Haritzalde Bar-Dastalekuaren eskutik. 14:30ean, Las Carrerasko Jubilatu, Alargun eta Pentsiodunen elkartearen mokadua dastatzeko aukera izango dugu, eta 16:00etan XXXVI. Txelu Izaguirre Memoriala egingo da pilotalekuan.

Egun honetako ekitaldi aipagarriena 18:00etan iritsiko da; hots, jaitsiera handia. María Auxiliadoratik El Mortuero etorbidean zehar, eta ondoren dantza-lehiaketa egingo da. Musikak gero jarraituko du, 19:30ean Gaztedi Revival entzuteko aukera izango baitugu La Trinidad Plazan, Drakmas talde mitikoaren emanaldiarekin eta Rock Classic & Blues musikaz lagunduta. Erritmoarekin jarraituko dugu, auzoak zeharkatuko dituen Burrunba Elektrotxarangaren kalejirarekin, eta, ondoren, Betaurreko Gauarekin gozatuko dugu La Trinidad Plazan. Prestatu betaurrekoak eta etorri gorputza mugitzera Zutik Erromeriarekin. Sariak eta sorpresak izango ditugu. Eta egunari amaiera emateko, Vulkano Show orkestraren emanaldia izango dugu, 00:00etan, Haritzalde Plazan.

Oraindik jaiarekin jarraitzeko gogoa izanez gero, igandea probestuko dugu. Eguerditik aurrera, haur-parkea egongo da txikientzako Haritzalde Plazan, baina baita gozogintza lehiaketa eta Bonsai erakusketa ere, zurezko taillekin eta artisau produktuekin, Emelka eta Ajupu elkarteen eskutik. 13:00etan Voces Navarras taldeak musikaz beteko du La Trinidad Plaza eta, arratsaldean, 17:00etan, Montañoko Erronkari eta BTT Kronoigoerari amaiera emango diegu. 18:30ean umeek Kantu Kolorerekin abestu eta dantzatuko dute Haritzalde Plazan eta 20:00etan jaien amaierako txupinazoa izango da.

Berdintasunezko jaiak

Ohikoa denez, Abanto Zierbenako Udalak kanpaina bat garatuko du eraso sexistarik gabeko berdintasunezko jaiak aldarrikatzeko xedez.

Hartutako neurrien artean, jarduera-protokoloa nabarmentzen da. Protokolo hori jaietan txosna jartzen duten erakunde guztien artean banatuko da, eta, horrez gain, zenbait jarraibide emango dizkiegu, eraso sexista baten aurrean nola jokatu jakin dezaten.

“Eraso sexistarik gabeko jaiak nahi ditugu, emakume guztien errespetua eta segurtasuna ororen gainetik errespetatuko dutenak”, azpimarratu du Berdintasuna, Gizarte ekintza, Osasuna eta Merkataritza arloetako zinegotzi Alazne Zenekortak.

Gainera, 1200 eskumuturreko banatuko dira “Soilik bai da bai” leloarekin. “Izan ere, soilik bai da bai. Adostasunaren muga eta garrantzia non dagoen jakin behar dugu”, gogorarazi du Zenekortak. Era berean, 1200 pegatina eta 1200 txartel emango dira intereseko telefono-zenbakiekin; “inoiz ez dago informazio nahikoa”, baieztatu du zinegotziak.

Bi pankarta jarriko dira jaietako agertokietan, eta bi panel jarriko dira jaiesparruetan, eraso sexistarik gabeko guneak baitira. Gainera, karpa more bat jarriko da La Trinidad Plazan, eta bertan material hezigarri eta aldarrikatzailea banatuko da. Era berean, langile trebatu eta espezializatuek informazio zehatza emango dute eta zalantza guztiak argituko dizkiete hurbiltzen diren pertsona guztiei. JAIETAN INDARKERIA MATXISTARIK EZ!

“Gure udalerria berdintasunaren, tolerantziaren eta errespetuaren eredu izatea nahi dugu. Ez dugu eraso matxistarik onartuko gure udalerrian eta gure jaietan”, esan du irmo alkateak.

Gautxori zerbitzua

Iaz Gautxoriak izan zuen arrakasta ikusi dugu, guztira 1400 erabiltzaile izan baitzituen Las Carrerasko jaietan. Hori kontuan hartuta, Abanto Zierbenako Udalak bigarren urtez jarraian, gaueko doako autobus zerbitzu hau abian jarriko du. Horri esker, herritarrak salbu iritsiko dira Las Carrerasera, autoa erabili beharrean.

Zerbitzua Las Carrerasko jaietako bi ostiral eta larunbatetan erabili ahal izango da, goizeko 23:00etatik 06:00etara, jaietako mugikortasuna segurua izan dadin. Gallartako lehenengo irteera 23:00etan izango da eta Las Carreraserako itzulera, berriz, 23:20an. Gallarta eta Sanfuentes artean zazpi geldialdi egingo dira jaietara joateko, eta irteerak 40 minutuero izango dira.

“Gure bizilagunek jaiez goza dezaten eta etxera modu seguruan itzul daitezen lagundu nahi dugu, batez ere gure gazteen kasuan”, nabarmendu du Maite Etxebarria alkateak.