Sanfuentesko XIII. Erromeria ospatuko da larunbatean

Egitarau zabala eta berezia prestatu egin du Abanto Zierbenak larunbat honetan, maiatzak 6, ospatuko den Sanfuentesko XIII. Erromeriarako. Besteak beste, Santa Luciaraino astoen igoera tradizionala, pintxoen lehiaketa eta Euskal Erromeria izango dira. Gainera, erromeria ospatzeko behar bezala jantzita doazen herritarrek opari bat jasoko dute.

Goizeko 11:30ean ekingo zaio jardunaldiari Sanfuentesen. Kalejira bat aterako da Pilar Abin plazatik El Carrejo plazaraino Meatzaldeko Harrigorria Dantza Taldearekin. Gero, hamaiketako gozoa gure zain egongo da, eta herri-dantzek girotuko dute.

“Gure erromeriako ekitaldirik tradizionalena 12:30ean izango da. Desfilea eta Santa Luciaraino astoen igoera egingo da. Ordu berean, 12:30etik 13:15era, tokian bertan izen-emateak irekiko dira pintxoen lehiaketan parte hartzeko. Partaideek gutxienez 4 osagai erabili beharko dituzte pintxoak egiten dituztenean, eta arrautza izango da osagai nagusia. Sormen-eztanda sutegietan”, komentatu du Maite Etxebarria Abanto Zierbenako alkateak.

13:00etan egurrezko joko tradizionalak eta Irrintzien lehiaketa iritsiko dira, eta 14:00etan aurkeztutako guztietatik pintxorik onena zein den balioztatzeko unea izango da. Ondoren, herri bazkaria; horretarako, goizeko 09:00etan aulkiak eta mahaiak banatuko dira.

Arratsaldez, jarduerek jarraituko dute. 16:00az gero, Gezaleriak antolatuta, txikienek beren punteria findu ahal izango dute arku-tiraketari esker eta segidan herri-kirolen ginkanan arituko dira. Ordu erdi beranduago, Sanfuentesko Katxete erako Bolo Elkarteak antolatutako igelen lehiaketa hasiko da.

Arratsaldeko 18:00etan lehiaketen sariak entregatuko dira, eta erritmoa ez da etengo Sanfuentesen; 19:00etatik gaueko 23:00etara guztiok dantzatu eta Euskal Erromeriaz gozatzera Sukar Taldeari esker.

Gainera, indarrak berreskuratu nahi dituztenek 19:30ean prezio merkean parrillada gozoa dastatzeko aukera izango dute. Ekitaldia Sanjaibak antolatuko du.

Edu Mena Kultura zinegotziak eskertu nahi izan die “antolatzen parte hartu duten pertsona eta elkarte guztiei. Nolanahi ere, beren lan eta ilusiorik gabe, gure erromeria ezinezkoa litzateke”.

Modu berean, Maite Etxebarriak guztiak gonbidatu ditu Sanfuentesetik pasatzeko “eta familian nahiz lagunartean jai-jardunaldiaz gozatzeko”.