Goi mailako kadete futbol txapelketa jasoko du Ermuak asteburuan

Goi mailako kadete mailako futbola iritsiko da larunbat honetan, apirilak 15, Ermura, bertako Kirol Elkarteak antolatutako Monroe txapelketaren seigarren edizioarekin. Bi egoitza izango ditu txapelketak: Teodoro Zuazua udal zelaia eta Betiondo kirolgunea.

Futbol txapelketa honetan zortzi klub bilduko ditu guztira, bi taldetan banatuta. Ermua CD etxeko taldearekin batera, Athletic Clubeko, Atletico Madrileko eta Deportivo Alaveseko kadeteek A multzoan jokatuko dute, eta Celta Vigok, CA Osasunak, Realak eta SD Eibarrek B multzoan neurtuko dituzte indarrak.

Norgehiagokak 9.30ean hasiko dira, eta goizean zehar partida hauek jokatuko dira:

9.30ean

• Ermua CD - Athletic (Teodoro Zuazua)
• Real Sociedad - Eibar (Betiondo)

10.10ean

• Alavés - Atlético (Teodoro Zuazua)
• Eibar - Celta (Betiondo)

10.50ean

• Real Sociedad - Celta (Teodoro Zuazua)
• Ermua CD - Alavés (Betiondo)

11.30ean

• Athletic - Atlético (Teodoro Zuazua)
• Real Sociedad - Osasuna (Betiondo)

12.10ean

• Osasuna - Eibar (Teodoro Zuazua)
• Athletic - Alavés (Betiondo)

12.50ean

• Ermua - Atlético (Teodoro Zuazua)
• Osasuna - Celta (Betiondo)

Merezitako atsedenaldiaren ondoren, Teodoro Zuazua zelaiak hartuko du txapelketaren azken txanpa. 16.00etan, A multzoko lehenak B multzoko bigarrenaren aurka jokatuko du, eta 16.45ean, B multzoko liderrak A multzoko bigarrenaren aurka jokatuko du.

Finalerako txartela lortzen ez duten bi taldeek 3. eta 4. postuengatik jokatuko dute 17.30ean, eta 18.15ean izango da final handia.

Txapelketak Ermuko Udalaren eta Tenneco Monroeren babesa du, eta Arral Distribuciones, Bar Ambigú, Calderería Aldapa eta Malengo, Garlopa, Leku Eder, Txalaparta, Aldapa, La Kolina, Centro Gallego eta Centro Andaluz elkarteek parte hartzen dute.