Zallako Udalak 12,2 milioi euroko aurrekontua izango du 2023an

ainera, laugarren urtez jarraian, udal tasak eta zergak izoztuta daude, udal elkarteei zuzendutako partidak %6 igoko dira eta 50.000 euro herritarrek aurkeztutako proposamenetara bideratuko dira.

“Izugarri pozten gaitu 2023rako aurrekontu errekor bat onartzeak, epe labur, ertain eta luzean herritarren bizi-kalitatea hobetzeko inbertsioak egin ahal izateko finantzaproiektu bat. Gainera, behin COVID-19aren pandemia gaindituta, pertsonak lehenetsi nahi ditugu eta Zallako familien ekonomia babestu eta bizilagunen beharrei erantzun nahi diegu. Era berean, bizikidetzaren, kulturaren, gizarte-zerbitzuen, kirolaren, berdintasunaren, osasunaren sustapenaren, parte-hartzearen, enpleguaren eta ondarearen aldeko gure apustua indartzea”, azaldu du Kepa Lambarrik, Zallako jarduneko alkateak, aurrekontu berrien onarpenarekin pozik.

Kopuru hori lortzeko arrazoi nagusietako bat izan da Eraikuntza, Instalazio eta Obren gaineko Zergaren (EIOZ) diru-bilketa handitzea, baso-sarrerak handitzea eta udalaz gaindiko dirulaguntza ugari lortzea proiektu handinahiak gauzatzeko, gobernutaldearen erakundeen arteko harremanen arloan egindako lanaren ondorioz. Gainera, azken urteotako kudeaketa ekonomiko onari esker, Udalak soberakin garrantzitsu bat izango du datorren urtean esku-hartze garrantzitsuak egiteko.

Zallak 2023an ekingo dio, urte emankor baten ondoren, non proiektu ilusionagarri eta beharrezkoak gauzatzen hasi diren, hala nola Zallako Espezialitate Medikoen Zentroa, EtxeTic eguneko zentroa, La Herrerako bidegorriaren bigarren fasea, Soianoko Labrador etorbideko espaloiak edo Arangurengo La Guata kultura-fabrika hobetzea, eta datorren urtean hasteko iragarri diren beste kasu batzuk: Arangurenetik igarotzen den Kadagua ibaiaren uholdeak prebenitzeko obrak, 2025a amaitu baino lehen amaituko direnak, edo udalerriko trenbide-pasaguneak kentzeko proiektua, besteak beste. Esku-hartze horietako batzuk Bizkaiko Foru Aldundiaren, Eusko Jaurlaritzaren eta, uholdeen prebentzioaren kasuan, Europako funtsen dirulaguntzak lortzearen ondorio dira.

Bestalde, Udalak aurreko urteetako geldikina erabiliko du La Guatan obra egiteko behar diren kopuruak osatzeko, Cadagua ibaia bideratzeko eta trenbide-pasaguneak kentzeko beharrezkoak diren lurrak erosteko, udal-egoitza birgaitzeko lehen fasea gauzatzeko edo kiroldegian kanpoko igerileku berria eraikitzeko. Azken ekintza honek 455.000 euroko ekarpena izango du BFAren Herriak egiten programaren eskutik.

2023ko finantza-proiektuaren xehetasunekin jarraituz, bere azpiegiturak hobetzen jarraituko du Ligeti oinezkoentzako egiteko obrekin, Arangurengo frontoiarekin, Goiko Artebizkarria asfaltatu eta hornitzearekin, Skate Parka handitzearekin, haur-parke berriak eraikitzearekin eta ur-parke berriarekin, Gazte Zentro berriarekin, Aretxagako espaloiak hobetzearekin. Era berean, ondarearen aldeko apustua egingo da, La Mellako monumentu-multzoari, Bolunburuko Castroari eta udaletxeko zedroari balioa emanez.

Pertsonei dagokienez, gobernu-taldeak eskola-laguntzako Ikasgune programaren aldeko apustua egiten jarraituko du: ‘Ikasgune’, ‘Zaintza psikologikoa’ (24.200 euro), ‘Osasun gela’ (8.700 euro), BBB ikastaroak (5.800 euro), gatazken bitartekotza-zerbitzua, adineko pertsonentzako laguntza-programa, nerabeentzako kaleko hezitzailearen figura, besteak beste. Era berean, Udalak handitu egingo ditu Lanbideren enpleguplanetarako partidak, eta %2 igoko du udal-langileen eta haien mendeko erakundeen soldata.

Herritarren parte-hartzeak gobernu-taldearen lehentasunetako bat izaten jarraituko du, 50.000 euro bideratuko baititu partaidetza-prozesuen bidez jasotako proposamenak antolatzeko, eta Gazteria Planak ezarritako ildoari jarraipena emango dio. Era berean, Udalak % 6 handituko du udalerriko elkarteei beren jarduerak berrantolatzen laguntzekoematen dien laguntza.

Bestalde, kirol-jardueretarako partida 86.700 eurora arte handituko da, kirol egokituko ekimenak barne, 50.000 euro bideratuko dira kirol-instalazioak hobetzeko eta beste 72.000 euro kirol-ekitaldiak antolatzeko.

Udalak udalerriko turismoa sustatzen eta merkataritza eta ostalaritzako establezimenduetan kontsumoa sustatzen jarraituko du. Horretarako, jardunaldi berezietara zuzendutako partidak indartuko ditu, hala nola, 2023an 50.000 euroko aurrekontua izango duen 'Gangas Eguna', 'Txakoli Eguna' (12.000 euro), Bolunburuko udako jarduerak (18.000 euro) edo 'Enkarterri Fest Gourmet'. Gainera, Gabonetakoizotz-pista jarriko da berriro, Gabonetako argiztapenerako partida handituko da, erakusleihoen eta balkoien lehiaketak antolatuko dira eta BonoDenda kanpaina berriak aktibatuko dira.

Era berean, Udalak euskara sustatuko du 23.600 euroko inbertsioarekin, 'Ikasgune', 'Antzerki hizkuntza', bertsolaritza bultzatzea, 'Bertso Saioa', 'Euskararen Eguna' eta abarretan banatuta.

Kultura 2023ko aurrekontu hauen beste ardatzetako bat da; izan ere, gobernu-taldeak indartu egiten du Musika Astea '(30.000 euro) bezalako ekimenen aldeko apustua, eta, oro har, 49.000 eurotik 57.100 eurora igotzen du Harriak' erakusketa (3.000 euro), Ondarearen Jardunaldiak (2.000 euro), aire zabaleko kontzertuak (5.000 euro), jaiak (8.000 euro) edo herriko jaiak (100.000 euro) bezalako jardueretarako partida, besteak

beste.

UNICEFek Haurren Hiri Lagun gisa akreditatuta, Zallako haurrek beren harri-koskorra ematen jarraituko dute udal-kudeaketan, eta hainbat jarduera egiten jarraituko dute: Biblio ibiltaria, Biblipisci, Ludoteka Kiroldegian, jarduerak oporraldietan. Hori guztia, Haurren Planak ezarritako ildoari jarraituz.

Azkenik, Berdintasunaren arloan, Udalak Jabekuntza Eskola berria jarriko du martxan, eta 14.350 euro bideratuko dira horretara. Halaber, Zallako emakumeei buruzko liburuaren edizio berri bat egingo da, M8 eta A25 bezalako aldarrikapen-jardunaldiei buruzko jarduerak mantenduko dira, Emakumearen Nazioarteko Eguna dela eta ekintzak antolatuko dira Zallako zine-antzokian 'Zinegoak jaialdiak bere lekua izaten jarraituko du eta landa eremuko emakumeari egin ohi zaion omenaldia egiten jarraituko da. Gainera, gobernu-taldeak genero-ikuspegia udal-kudeaketaren alderdi guztietan txertatzeko apustuari eutsiko dio.​