Amorebieta-Etxanoko Udalak inbertsio garrantzitsu bat egingo du udalerriko Marabi eta Urgoiti auzoetako ur-hornidura sarea berritzeko. Guztira, 178.000 euro inguru bideratuko ditu ekimen horretara. Esleitu berri diren lanak bost hilabeteko erakite-epea izango dute.
Egun, bi auzoetara iristen den ura ez da edateko Udal uraren hornidura-sistema orokorretik heltzen; Marabi auzoa iturburuko bateko ur-hornidura partikular batez hornitzen da, tratatu gabea. Gainera, sare horren antzinatasuna medio, inguruko baserrietara banatzen den ur-hornidura sistemak matxurak izaten ditu maiz, eta udako hilabeteetan ez du funtzionamendu egokirako behar den emaria emateko ahalmenik izaten.
Ur hornidura-sistema berria Marabin eta Urgoitin
Amorebieta-Etxanoko Udalak egindako proiektuak Boroa auzoan konexio bat egitea aurreikusten du, Marabi eta Urgoiti auzoen arteko bidegurutzean egingo den etxola berri batean presio-talde bat instalatuz. Etxola horrek 3x3ko neurria izango du barruan, eta 8,60 metro kubiko hektareako ponpatzeko gai den presio-talde bat instalatuko da, txandakako bi ponpaz osatua; barruan egingo diren hodiak galdaragintza inoxidablea izango dute. Etxolatik bi banaketa-adar aterako dira, bata Marabirantz eta bestea Urgoitirantz. Egikaritzeari dagokionez, zanga berria lehengo sarearekin paraleloan irekiko da kalteak ahalik eta txikienak izateko helburuarekin. Horrela, obrak irauten duen bitartean, dagoen sareari eutsi ahal izango zaio eta programatutako ur-mozketak egin ahal izango dira.
