Zentzumen ibilbidea, Larrabetzuko uda-plana
Herriko Umeen Kontseiluak bertan egin ahal izateko esperientzia sentsoriala proposatu du
- Kontuan izanda aurtengo udaldian jende askok ez duela bidaiatzeko aukerarik izango, Larrabetzuko Umeen Kontseiluak herrian aisialdian egin ahal izateko plan berri bat proposatu du; esperientzia sentsorialaren ibilbidea. Honen arabera, hau aurrera eramatea erabakitzen duten larrabetzutarrek herriko gune desberdinetan euren zentzumenak garatzeko eta harritzeko aukera izango dute. “Zentzumenei lotutako umeen bizipenak jasotzen ditu mapa sentsoral honek. Bidaiatzeko irrikitan gaude, uda honetan bereziki. Gure herrian bertan bidaiatzeko iradokizunak dituzu jarduera eta zentzumen desberdinetan arreta jarrita”, azaldu zuten Umeen Kontseilutik. Honetarako zenbait dira antolakuntza proposatutako ekintzak; belarretan ortozik ibiltzea, elizako kanpaiak begiak itxita aditzea, ogi egin berria usaindu eta dastatzea, mendira igo eta bertan arnasa sakon hartzea, herriko eraikin zaharrei erreparatzea, bakoitzak gustoko dituen jakiak ingurukoekin partekatzea, animaliak laztantzea, errekan oinak bustitzea eta abar luze bat. Honela larrabetzutarrek herritik atera gabe esperientzia bikainak bizitzeko aukera izan dezakete.
Temas
Más en Bizkaia
-
1,5 milioi euro baino gehiago bideratuko ditu Bilboko Udalak Zurbaranbarrin bi igogailu eraikitzeko
-
Una aula móvil recorrerá Bizkaia para la prevención de incendios
-
José María Bañuelos, el último superviviente vasco de los gulags de Stalin
-
Una gran alfombra roja para celebrar el Día de la Danza en Bilbao