Getxok 319.000 euro bideratuko ditu Usategiko begiratokiko igogailua eraikitzera
GETXO. Getxoko Udalak 319.143 euroko aurrekontua bideratuko du Usategiko begiratokian oinezkoen mugikortasuna eta irisgarritasuna hobetuko dituen igogailu berria eraikitzera. Lanak lau hilabeteko iraupena izatea dago aurreikusita, eta faseka egingo da. Ekimen hau Hiri Mugikortasun Iraunkorraren Planaren barruan dago.
Ekipamendu berriaren ezaugarriei dagokienez, panoramikoa izango da eta 16 lagunentzako lekua izango du. Horrez gainera, erdiko geldialdi batez zerbitzua emango dio Usategi Kafetegiari, etorkizunean udal eraikin hori berreskuratzen denean. Gaur egun, Portu Zaharreko erdigunearekin lotzen den ibilbidetik Usategiko parkera iristeko modu bakarra eskailerak erabiltzea da, udal eraikinaren alboetan dauden bi eskalinatak. Igogailuak zaintza-sistema edukiko du eta, printzipioz, Portu Zaharreko igogailuaren ordutegi berbera izango du, hau da, 07:00etatik 24:00etara; halere, ordutegiari buruzko erabakia Udalak hartuko du.
PROIEKTUAN JASOTAKO BESTE JARDUERA BATZUK
Bere garaian aurreratu zen bezala, “Usategiko begiratokian irisgarritasunaren hobekuntza mekanikorako Proiektua”-k, igogailua egitea barne, beste jarduketa batzuk ere jasotzen ditu: igogailu berria kokatuko den tokiaren ondoan, kafetegi zaharraren alboan, dagoen eskailera egokitzea; eraikinaren aurretik igarotzen den oinezkoen ibilbide tartea hobetzea, kontserbatuko diren eskaileran bitartez Genaratxuko bidearen azken zatia Usategiko parkeko sarbidearekin lotzeko; lanengatik kaltetuko diren guneak landareztatzea -lorategiak ere lehengoratuko dira eta igogailuaren alboan dagoen ezponda gainean harriak eta zuhaixka edergarriak ipiniko dira-; eta igogailuak berak behar dituen zerbitzuetako harguneak egitea (hornidura elektrikoa eta telekomunikazioak), batez ere.
Elementu mekaniko berriaren inguruko hiri-altzariei dagokienez, egurrezko baranda bat ipiniko da desnibeletatik babesteko; Genaratxuko bidean dagoenaren modukoa ipiniko da, bai behealdean bai igogailuaren geralekuetan sartzeko egingo diren plataforma berrietako kanpoko perimetroan. Horrez gainera, udal modeloko paperontziak kokatuko dira. Bestalde, argiztapena indartuko da bai sarbideetan bai igogailuan bertan. Igogailuan sartzeko guneen inguruetako argiztapena esparru horretan dauden herriko argietara konektatuko da. Horri esker, ingurunearen segurtasuna hobetuko da eta energiaren eraginkortasuna ere hobetuko da -Led moduko argiak ipiniko dira-.
Temas
Más en Bizkaia
-
Metro Bilbao extiende la app Navilens a toda su red para facilitar la accesibilidad a personas con discapacidad visual
-
La Palma sirve el mejor pintxo de bacalao del Casco Viejo de Bilbao
-
MarisGalicia bate récord de asistencia en Bizkaia con 19.600 visitantes hasta la fecha
-
La homogeneización urbanística de Bilbao simplifica el nuevo callejero fiscal