Arakaldoko alkateak, Victor Egia, Bai Euskarari Ziurtagiria jaso du Rober Gutierrez Ziurtagiriaren Elkartearen zuzendariaren eskutik. Herrian euskara indartzeko hainbat ekimen ari da antolatzen Udala eta horien artean bertan euskara ikasteko aukera erraztea da aipagarriena. Udaletxean biltzen den 12 laguneko talde bat sortu da eta Laudioko AEKren euskaltegitik joaten den irakaslea da klaseak emateko arduraduna. Udalak bere osotasunean ordaintzen du ikastaroa.
