Sol Picó taldeak amaiera eman dio Bilboko Kalealdiaren 27. edizioari

Joan den larunbatean, uztailaren 4an gauean, ateak itxi zituen Bilboko Kalealdiaren 27. edizioak, Kataluniako Sol Picó taldearen "Carrer 024" ikuskizunarekin. Ohi bezala, Arriaga Plazan izan zen jaialdiari amaiera eman zion emanaldia. Bertan bildu ziren herritarrek egungo gizartean dagoen bakardadearen paradoxari buruzko hausnarketa-proposamenaz gozatzeko aukera izan zuten.

Sol Picó Dantzako Sari Nazionala da, eta 30 urteko ibilbidean hamar Max Sari eskuratu ditu. Konpainiak, pieza hau aurkezteko, eszenaratze ikusgarri eta hunkigarria egin zuen, zuzeneko musikarekin. Publikoak eszenografian askatasunez kokatzeko aukera du bertan.

Proposamen horrekin eman zitzaion amaiera ekainaren 29tik uztailaren 4ra arte egin den Jaialdiari. Hiriko hainbat espazioetan ikus ahal izan dira Euskal herriko, estatuko eta nazioarteko 30 konpainiak eskainitako 54 emanaldi, 2026an.

Ikuskizunak

Horien artean honako hauek egon dira: erabateko estreinaldia, “Zelatan”, Hortzmuga Teatroaren eskutik; estatu-mailako lau estreinaldi, “Dans ma Piscine”, Cíe Ea Eo-rena, “Mizu”, Compagnie Furinkaï & Théâtre De L'entrouvert-ena, “Underfoot”, Keep Company-rena, eta “L'Angle Disparu”, Retouramont-ena; eta Euskadiko sei estreinaldi, “Dormiyosos”, Factoría Norte y El encuentro Teatrorena, “Transh-Humante(s)”, Sweet Chilli Circus Company-rena, “La conferencia de los pájaros”, Insectotròpics-ena, “NO (pieza laburra)”, La Veniderarena, “Blue”, Margarida Montenÿ-rena eta “Runners”, Irlandako Hippana.Maleta taldearena.