Síguenos en redes sociales:

18 proiektu sartuko dira Bilboko parte-hartze bidezko aurrekontuetan

Deia.eus

Bilbao | 24·10·23 | 21:23 | Actualizado a las 05:02

18 proiektu sartuko dira Bilboko parte-hartze bidezko aurrekontuetanB. U.

6.055 bilbotarrek, iaz baino 2.725 gehiagok, eman dute bere botoa aurtengo parte-hartze bidezko aurrekontuen programan. Herri-bozketaren ondorioz, Udalak 2024ko aurrekontuetan sartuko dituen 18 proiektuak hautatu dira, Udalak onartuko dituen gainerako ekimenekin batera. Proiektu horien kostua 2 milioi euro ingurukoa izango da.

Barrutien arabera, herritarrek hautatutako proposamenen jarduera-eremua ere askotarikoa da. Horietatik 6k Bilbo osoan izango dute eragina, beste 6k Ibaiondon, 2k Deustun, 2k Uribarrin eta 1ek Errekalden eta Begoñan, hurrenez hurren.

Gaien arabera, bilbotarrek, besteak beste, honelakoak proposatu dituzte: argiztapena eta irisgarritasuna hobetzea, haurrentzako eta kiroletarako jolasen instalazioak berritzea, kultura-ibilbideak, osasun-ohiturei buruzko kanpainak, eta emakume etorkinak ahalduntzea.

Hautatutako eta lehenetsitako 18 proiektuen zerrenda

  1. Bi norabideko bidegorri bat eraikitzea Zarandoa etorbidean, Frank Gehry zubitik, Deustun. (1. fasea). Aurrekontua: 300.000 euro. Botoak: 2.708.
  2. Martzana kaian (Ibaiondo) argiztapena hobetzea. Aurrekontua: 16.200 euro. Botoak: 1.901.
  3. Irisgarritasun fisikoa hobetzea kiroldegietako igerilekuetan. 30.000 euro eta 1.784 boto.
  4. Argiztapena / efizientzia energetikoa hobetzea Kristo kaleko arrapaletako argikuntzan, Uribarrin. 15.400 euro eta 1.665 boto.
  5. Miribillan iturriak jartzea. Ibaiondo. 6.500 euro eta 1.524 boto.
  6.  Mallona 2ko futbol-zelaian harmaila estali bat eraikitzea. Ibaiondo. 120.000 euro eta 1.497 boto.
  7. Uribarriko eskolako landako jolas-eremua berritzea. 300.000 euro eta 1.426 boto.
  8. Emakume migratzaileen ahalduntzea mesedetzeko tailerrak eta topaketak garatzea. 15.000 euro eta 1.318 boto.
  9. Haur eta lehen hezkuntzako ikastetxeetako sarreretan kerik gabeko lekuak direla adierazteko seinaleak jartzea, “Kerik Gabeko Guneak” programaren barruan. 3.000 euro eta 1.315 boto.
  10. Ugarteko plazan itzalguneak sortzea, Deustun. 300.000 euro eta 1.274 boto.
  11. Ping-pong mahaiak jartzea Etxebarria parkean. Ibaiondo. 50.000 euro eta 1.257 boto.
  12. Errekaldeko kiroldegiko rokodromoa birmoldatzea. 120.000 euro eta 1.240 boto.
  13. Ibilbide antzeztuak barruti bakoitzeko auzo batean. 160.000 euro eta 1.206 boto.
  14. Animaliak arduraz edukitzearen gaineko kontzientziazio- eta sentsibilizazio-kanpaina. 15.000 euro eta 1.146 boto.
  15. Bizimodu osasungarrirako eta osasun emozionala hobetzeko kanpaina, Ibaiondo barrutiko pertsona zaurgarrientzat. 15.000 euro eta 1.066 boto.
  16. Gimnasiarako gailuak jartzea adinekoentzat, Solokoetxen. Ibaiondo. 250.000 euro eta 1.041 boto.
  17. Kultur jarduera irisgarriak, inklusiboak eta irakurketa errazaren metodologiaren bidezkoak. 30.000 euro eta 1.014 boto.
  18.  Santutxuko Unión Begoñesa kalea berrasfaltatzea Begoña. 100.000 euro eta 1.013 boto.

Herritarren botoak

Arestian esan dugunez, iazko botoen bikoitza jaso dugu urte honetan: aurten 6.055 boto eman dira, eta aurreko ekitaldian 3.330. Herritarrek euren botoen bidez aukeratu eta lehenetsi dituzte 2024ko udal aurrekontuetan sartuko diren 18 proiektuak. Guztira 33 proposamen zeuden aukeran, bideragarritasun tekniko eta ekonomiko egokiak zituztenak. Kopuru handietan, guztira 549 eskaera jaso ziren, 620 ekimenekin.

Berriro ere, parte-hartzaile gehienak emakumeak izan dira: % 55,39. Adinaren arabera, pertsonarik aktiboenak 31 eta 50 urte artekoak dira.

Barrutika, gehien bozkatu dutenak Deustukoak dira (1.653, hau da, % 27,3), eta gero Ibaiondokoak (1.089, hau da, % 17,99).