Artxanda izango da Bilbao Izan programaren hurrengo geralekua
Bilboko Udalak uriko leku ezberdinak ezagutzera emateko helburuarekin martxan jarritako Bilbao Izan programak Artxanda bisitatuko du uztailaren 4tik 30era bitartean, 'Gerra Zibila Bilbon: Atzera Begira' izenburupean antolatutako ekimenean.
Ibilbideak oinez egingo dira, doakoak izango dira eta beharrezkoa izango da bilbaokultura.eus webgunean izena ematea. Parte hartzeko ezinbestekoa da erregistratzea eta ordu eta erdi inguru iraungo dute.
Artxanda, uztailaren 4tik 30era
Erreserbak gaurtik, ekainak 26, 8:00etatik aurrera.
Programaren bisiten topagunea Funikular plaza izango da (Beheko geltokia).
Ibilbide horiek ordutegi hauetan daude programatuta:
- Gaztelaniaz, ordutegi hauetan programatuta daude
- Astearteetan: 18:00etan
- Asteazkena eta ostiraletan: 11:00etan eta 18:00etan
- Ostegunetan: 11:00etan
- Larunbatetan: 10:30ean eta 12:30ean
- Igandeetan 12:00etan.
- Euskarazko bisitak ostegun arratsaldetan izango dira, 18:00etan. Euskarazko taldeen kasuan, taldearekin adostuko dira eskatutako data eta ordua. Horretarako, eskaera bidali beharko da posta elektronikoz cultura@bilbao.eus helbidera.
Bilbao Izan
Ekimen hauek Bilbao Izan proiektuaren barruan kokatzen dira. Bilbao Izan markaren atzean, Udalak Kultura Uriaren funtsa zabaltzeko bultzatzen dituen programa guztiak daude, hala nola: historia, ondarea, pertsona garrantzitsuek utzitako aztarna, hirigintza, auzoen historiak, kaleen eta bazter bitxienak.
Bilbao Izan batez ere herriko biztanleentzat da, baina zabalik dago, halaber, hiria bisitatzen duten pertsonentzat eta hainbat arrazoirengatik hiriaren ezagutzan sakondu nahi duten guztientzat.
Bilbao Izan erabat konprometituta dago Bilbao Balioen Hiria proiektuarekin, Bizkaiko hiriburuan balio partekatuen esparru bat sustatu nahi baitu; besteak beste, konpromisoa, ahalegina, ilusioa, parte-hartzea, sormena eta, bereziki, nortasuna.
Programa honek, uztailean, Deiaren eta Artxandako Funikularraren babesa du.