Pop Rock Lehiaketaren 30. edizioaren kontzertuak gaur hasiko dira Bilbon
Kontzertuak urriaren 20ra arte eskainiko dira eta irabazleak epaimahaiaren eta ikus-entzuleen artean aukeratuko dituzte
BILBO. Bilbao Hiria Pop Rock Lehiaketaren 30. edizioaren kontzertuak gaur hasiko dira Bilborock aretoan. Kontzertuak urriaren 20ra arte eskainiko dira eta irabazleak epaimahaiaren eta ikus-entzuleen artean aukeratuko dituzte. Pop Rock kategoriako Wizard (Frantzia), Fru Katinka (Valentzia), Yawners (Madril) eta Giante (Araba) taldeekin. Irailaren 14an, Metal ataleko Saltimbankya (Bartzelona), Perpetual Night (Granada), Next Step (Madril) eta Mise en Abyme (Gipuzkoa) taldeak ariko dira.
Bilboko Udalak jakinarazi duenez, aurten 30 urte bete dituen lehiaketak 32 talde izango ditu lehian: 16 talde Pop Rock modalitatean eta zortzina Metal eta Urban kategorietan. Musika sektoreko pertsonek osatutako epaimahai profesionalak aukeratu ditu taldeak.
Bilbao Hiria Pop Rock Lehiaketa antolatzean, Bilboko Udalaren helburua da profesionalak ez diren taldeen lana laguntzea eta talentua zabaltzea. Bide batez, aukera ematen zaie atzerriko beste talde batzuekin eszenatokia partekatzeko eta ikus-entzuleei proposamenik berrienak zuzenean eta doan bizitzeko.
Horrela, Pop Rock kategorian ariko dira Destino 48 (Asturias), Los Invaders (Valentzia), Fru Katinka (Valentzia), Hyedra (Gipuzkoa), Killerkume (Bizkaia), Kings of the Beach (Pontevedra), Lady Banana (Zaragoza), Laverge (Valentzia), Mama Killa (Frantzia), Yo, Gerard (Bizkaia), Poolshake (Murtzia), Purple Vellocet (Bizkaia), Rym (Granada), Giante (Araba), Wizard (Frantzia) eta Yawners (Madril).
Metal modalitateari dagokionez, Saltimbankya (Bartzelona), Perpetual Night (Granada), Next Step (Madril), Manipulation (Polonia), Physis (Sevilla), Trallery (Balear Uharteak), Incursed (Bizkaia) eta Mise en Abyme (Gipuzkoa) ariko dira, eta Urban kategorian, Beatlove (Sevilla), Boyanka Kostova (A Coruña), El Prince (Valentzia), Esteban & Manuel (A Coruña), Kvalvika (Gipuzkoa), Shintoma (Bizkaia), Ttun Ttun Brigade (Errioxa) eta VVV (Trippin' you) (Madril).
Kontzertuak urriaren 20ra bitartean egingo dira, Bilborock aretoan. Kategoria bakoitzeko irabazleak aukeratzeko, epaimahaiak emandako botoez gain, ikus-entzuleen botoa ere kontuan hartuko da, eta bozen %15 izango da. Bozketan parte hartzen dutenak 2019ko BBK Live jaialdirako hamar bonu eta 2019ko Resurrection Fest jaialdirako hiru bonuren zozketan sartuko dira.
Sarietan 22.900 euro banatuko dira: 12.000 euro kategoria bakoitzeko irabazleentzat, 6.000 euro bigarren sailkatuentzat eta 3.900 euro hirugarrenentzat. Epaimahaiaren sari berezia emango zaio Bizkaiko talde edo bakarlari onenari (1.000 euro). Era berean, taldeak nongoak diren kontuan hartuta, ordainsari ekonomikoa izango dute bidaien gastuetarako.