Bilboko suhiltzaileek Basurto ospitalean daude umeak bisitatu dituzte
Bilboko Udaleko Suhiltzaileak Basurtuko Unibertsitate Ospitaleko San Pelayo Pabilioian izan dira gaur, hango Pediatria sailean ingresatuta dauden umeak bisitatzen eta egonaldia arintzen. Rapel maniobra baten erakustaldia egin dute suhiltzaile-eskalaz ospitale barruko zabalgunean.
BILBAO. Hartara, 12:00etan, suhiltzaile-talde bat San Pelayo Pabilioian dagoen Pediatria saila bisitatzen egon da eta ospitale barruko zabalgunean erakustaldi bat egin du.
Ibilgailu ofizialekin joan dira hara Bilboko hamabi suhiltzaile, Herritarren Segurtasun Saileko zinegotzia den Tomás del Hierro eta Babes Zibil eta Larrialdietako zuzendaria den Andoni Oleagordia. Ospitalean zuzendaritzak harrera egin die.
Lehendabizi, suhiltzaileak gaixotasuna dela-eta gelatik ezin irten daitezkeen umeei egin diete bisita suhiltzaileek. Ekintzetako kaskoak eta jakak janzten utzi diete umeei eta euretariko askok argazkiak egin dituzte suhiltzaileekin.
Profesionalek rapel maniobra bat egin dute E-8 eskalaz ospitale barruan, pabilioien artean, dagoen zabalgunean. Han umeek aukera izan dute mangerekin jolasteko eta kamioietara igotzeko.
Hala geletan, nola zabalgunean, suhiltzaileekin batera pailazo bat egon da eta suarekin eta prebentzioarekin zerikusia duten antzezlanak interpretatu ditu. Ospitalean ingresatutako umeei opari bana eman diete.
Ordu erdikoa izan da bisita eta ospitaleak (Bilbao-Basurtu ESI) antolatuak dituen ekitaldien barruan sartzen da, hain zuzen, umeei eta gazteei hango egonaldia atseginagoa egiteko.
Suhiltzaileek bisitaren oroigarri elkartasunezko ekitaldian parte hartu duten unitateko kide guztien sinadurak zituen kasko bat entregatu diote ospitaleko zuzendaritzari.