Astearte honetatik aurrera, Erriberako Merkatuak zerbitzu berezi bat eskainiko die bezeroei. Ohitura osasungarriak sustatzeko asmoz, Merkatuko Merkatarien Elkarteak doako nutrizionista zerbitzu bat abian jarriko du. Asteartero, 10:00etatik 13:00etara, Andrea Campa giza nutrizio eta dietetikako tituludunak aholkularitza saioak emango dizkie interesa duten pertsona guztiei.
Elikadurari buruzko zalantzak argitzeaz gain, Campak Merkatuan erosketak egiteko aholku orokorrak emango ditu, denboraldiko eta km0-ko produktuen onurak nabarmenduz. Erriberako Merkatuko lehen solairuan dagoen bulegoan eskainiko du Campak kantsulta zerbitzua.
Asteazkeneko saskia
Ekimen honek arrakasta handiz garatzen ari diren beste batzuk osatzen ditu, hala nola Asteazkeneko saskia, lehen mailako 30 produktu fresko baino gehiago prezio berezietan. Saltoki bakoitzak elikagai bat eskaintzen du promozioan, beti oinarrizkoa dena: ogia, haragia, arraina, oilaskoa, arrautzak, esnekiak, frutak, barazkiak... Horrela, bezeroek erosketa-saskia preziorik onenean eskuratu ahal izango dute. Proposamen hori joan den udaberrian sortu zen, Bilboko familiei laguntzeko inflazioak eta KPIaren igoerak eragindako krisialdiari aurre egiten. Nutrizio zerbitzu berriarekin batera, Asier Beatok, Erriberako Merkatuko Merkatarien Elkarteko eta Espainiako Azoka Tradizionalen Konfederazioko presidentea 2023ko urtarrilaz geroztik bultzatutako neurrietako batzuk dira. Bi ekimenen helburuak merkatu tradizionala sustatzea eta bezero gehiago erakartzea dira, baita etxez etxeko zerbitzua eta online salmenta ere.
