Bilboko Zirkuitua hasiko da urtarrilaren 11n

Bilboko Zirkuitua antzerki jarduera sustatzen duen Udalaren ekimena da. Antzerki taldeek beren lanak erakusteko aukera paregabea da. Ekitaldi hauek Altamira, Basurtu, Begoña, Errekalde, Otxarkoaga, San Frantzisko eta Zorrotzako udal zentroetan ospatuko dira ostegunero maiatzaren 9ra arte.

BILBOKO ZIRKUITUAren atal berri honetan parte hartuko dute: Compañía Edición Limitada, "Reza"-rekin; Intxartu Antzerki Taldea, "Las brujas de Salem"-ekin; Ibilka Teatro, "Cuando secuestramos al jefe"-rekin; Heyoka Clown, "Lo que me sale de la concha"-rekin; Nodulos Teatro, "Carmen"-ekin; I Need a Hero, "Sonata en mi menor"-ekin; Totum, "2113"-rekin; Iuris Tantum, "Hable con Montse"-rekin; Skené Teatro, "El salto de Léucade"-rekin eta Heyoka Clown, "Las Franciskas"-ekin. Gainera, aurten, bi taldek bi proposamen dakartzate: A Teatral, "Relax a trois" eta "Cercanías de ti" lanekin; eta Libélula Teatro, "La madre pasota" eta "La mujer sola" lanekin; eta horrez gain, AED Elkarteak euskarazko lana dakar "Ni eta nitarrak"-ekin.

2024ko kanpaina honetan, BILBOKO ZIRKUITUAn parte hartzen duten obra guztiak lehen aldiz aurkeztuko dira, Totum-en "2113" (martxoak 7) lana izan ezik, aurreko edizioan izandako arrakastaren ondoren zirkuitura itzuli baita.

Gainera, aurtengo hainbat lan egun bakar batean baino gehiagotan ikusi ahal izango dira. Horren adibide dira A Teatraleko "Relax a trois" eta "Cercanías de ti" lanak. Edizioa inauguratuko dute, urtarrilaren 11n eta martxoaren 21ean, 19:00etan, Errekaldeko Udaltegian.

Aipatzekoa da hitzordu bikoitza izango duen beste lan bat ere: Ibilka Teatroko "Cuando secuestramos al jefe". Ikusleek antzezlan honetaz gozatu ahal izango dute bai otsailaren 1ean bai apirilaren 18an, 19:00etan, Zorrotzako Udaltegian.

Nodulos Teatroren "Carmen" antzezlanak ere bi egun izango ditu ikusi ahal izateko, otsailaren 22an eta maiatzaren 9an, 19:00etan, Otxarkoagako Udaltegian. Azken hori edizioari itxiera emango diona izango da.

SORKUNTZARAKO LAGUNTZA

BILBOKO ZIRKUITUAK bi helburu ditu: tokiko eszena bultzatzea eta antzerkia hiriko auzoetara hurbiltzea.

Udal-programa horrek Bilboko kultura-eskaintzaren deszentralizazioan eragiten du. Duela hamarkada bat baino gehiago programa hasi zenetik, emanaldien eta agertokien kopurua handituz joan da.

BILBOKO ZIRKUITUAekimen aitzindaria eta bakarra da Euskadin bere generoan. Gainera, denbora horretan, konpainia askok jauzia egin dute esparru profesionalera.