Lehenengo hilabetean

7.700 pertsonak erabili dute dagoeneko Illunbeko autobus anezka

11.08.2020 | 18:52
Illunbeko autobusa.

DONOSTIA. Illunbeko aperkalekura doan joateko autobusa martxan jarri zenetik hilabete bat pasatu denean, balantzea egiteko garaia da. Hortaz, emaitza oso positiboak atera egin dira lehenengo 30 egun hauetan.

Cristina Lagé Turismo Iraunkorreko zinegotziak adierazi duenez, "Hilabete honetan, 7.696 bidaiarik erabili dute autobusa, hau da, batez beste, 250 bidaiarik egunean. Ekimen honen datuak oso positiboak dira. Aurten Illunbeko disuasio-aparkalekuaren esperientziak emaitza ona eman du, eta horrek esperientzia berrietara bultzatzen gaitu".".

Autobus anezkaren ibilbidea Illunbeko plazaren atzealdean hasten da eta Errondora hurbiltzen da, Menchu Gal lorategien ondoan dagoen geltokira.

POZIK ALDERDI GUZTIETAN

Erabiltzaile askok doako aparkalekuaren eskaintza eta hiriko erdigunerako garraio zerbitzua eskertu dute. Ekimenaren sustatzaileak ere, merkatariak, pozik agertu dira. Hiriak ere onurak izan ditu, izan ere, "Bisitatzen gaituztenentzat doako aparkaleku disuasorio bat eskaintzeaz gain, kotxe asko zentrora sartzea saihesteko modu bat da, egun hauetan gertatzen den kolapsoa areagotuz", adierazi du Lagek.

"Printzipioz, autobus anezkak abuztuaren 16ra arte (igandea) funtzionatuko luke", nabarmendu du Lagek. "Bere garaian Mugikortasuneko eta Garraioko zinegotzigoarekin adostu genuen autobusak funtzionatzen bazuen zerbitzua zabalduko zitekeela. Dena den, Pilar Arana zinegotziarekin harremanetan jarri ostean, litekeena da autobus hau abuztua amaitu arte luzatzea, eta hori, zalantzarik gabe, albiste ona da ".

Datuei dagokienez, uztail amaieran eta batez ere abuztutik aurrera, zifra aipagarriak eskaintzen dituzte. Bitxia bada ere, igandeak ez dira jende askoko egunak, baina bai larunbatak edota astelehenak.