Donostian

Emakumeen presentzia areagotu nahi da Dbusen lan poltsarako deialdi berrian

17.02.2020 | 16:17
Dbusen lan-poltsarako deialdiaren kartela.

DONOSTIA. Emakumeen berdintasunerako borrokan lagundu egin nahi du Donostiako Udalak, eta argi dauka edozein laguntza ona dela hori lortzeko. Horretarako eman duen azken aurrerapausoa Dbus autobus-flotarako sortuko den gidarien lan poltsa berriaren deialdian emakumeen presentzia areagotzeko kanpaina zuzentzea izan da. 

"Inork ez zaitzala frenatu", "Emakumea zara? Primeran" eta "Zurekin abiatu nahi dugu" leloak erabiliz, Dbusek emakumeak animatu nahi ditu prozesu horretara aurkeztera. Konpainiako emakume gidariak izango dira kanpainaren protagonistak, eta kanpaina Donostiako markesinetan zein autobus batzuen errotulazioan, Dbusen webgunean eta bere sare sozialetan ikusi ahal izango da.

Egun, bere gidarien plantillan 55 emakume dira, hau da, gidarien %11. Kanpaina honekin, sektore maskulinizatu honetan gidari lana gehienbat gizonezkoen lanbidea denaren ideiarekin haustea da.

Izena emateko epea martxoaren 2ra arte egongo da irekita, eta deialdi honen informazioa otsailaren 16an jarriko da eskuragai Dbusen webgunean, Langileen Hautaketa atalean.

Berdintasunerako Erakunde Laguntzailea

2010az geroztik dauka Dbusek Emakundek ematen duen Emakumeen eta Gizonen arteko Berdintasunerako Erakunde Laguntzailearen zigilua, enpresan emakumeen eta gizonen arteko berdintasunaren alorrean aurrera egiteko hartutako konpromisoagatik eta egindako lanagatik eta horrela eremu soziolaboralean ekimen berriak sustatzeagatik. Era berean, BAI SAREAn parte hartzen du, Konpainiaren langileen garapena bultzatzen duten jardunbide egokiak sustatzeko.