Emakume eta Neska Zientzialarien Nazioarteko eguna

Ehun bat lagunek parte hartu dute Emakumeak Zientzian 2020 ekimenaren baitan antolatu den ginkanan

08.02.2020 | 19:57
Kultura zientifiko eta teknologikoa garatzea izan da helburua haur, gazte eta familia parte-hartzaileen artean

DONOSTIA. Gaur goizean, otsailaren 8an, Emakume eta Neska Zientzialarien Nazioarteko eguna ospatu egin da munduko toki ugarietan. Donostian, egun berezi hau ospatzeko, ehun pertsona inguruk parte hartu dute antolatutako ginkanan. Proba taldeka egin da, eta parte hartzaileek hainbat erronkei egin behar izan diete froga gainditu ahal izateko.

Tecnundik abiatuta, talde bakoitzak zazpi erronka gainditu behar izan ditu begirale baten laguntzarekin. Talde bakoitzak kolore bat zuen, eta kolore bereko gutun-azal bat aurkitu behar zuen zazpi lekutan. Gutun-azalean galdera bat eta hurrengo gutun-azalaren kokapenaren aztarna zeuden. Gutun-azal bat aurkitzen zuten bakoitzean erdiko gunera itzuli behar zuten, Tecnun-eko gimnasiora, bertan proba bat egiteko.

Ginkana horren helburuak hauek izan dira: herritarren arteko harremanak indartzea, ekimen honetan parte hartzen duten haur, gazte eta familien artean kultura zientifiko eta teknologikoa garatzea, gazteen artean jarrera ekintzailea sustatzea, talde-lana bultzatzea, gazteen eta familien arteko harremanak sendotzea, zientziaren eta teknologiaren gozamena sustatzea eta zientzietako lanbideak gazteenengana hurbiltzea.

Ginkana honako erakunde hauek antolatu dute: CIC nanoGUNE, Materialen Fisikaren Zentroa (CFM CSIC-UPV / EHU), CIC biomaGUNE, Donostia International Physics Center (DIPC), Biodonostia, Tecnun-Ingeniaren Eskola, Ceit, POLYMAT eta Elhuyar.

Otsailaren 11ko Emakume eta Neska Zientzialarien Nazioarteko Eguna dela eta.

Otsailaren 14 arte izango dira ekintzak eta jarduera guztiak doakoak dira. Emakumeak Zientzian 2020 webgunean dago informazioa ikusgai: www.emakumeakzientzian.eus