Einnek duela lau urte sortutako enpresa gaztea da. Erletxe industrialdean osagai eta ekipo elektriko eta elektronikoak diseinatu eta fabrikatzen ditu. “Funtsezkoena ez da egiten duguna, baizik eta nola egiten dugun: teknologia digitalak aplikatuz fabrikazio-metodoan berritzen dugu, koadro elektrikoa bezalako produktu heldu batean”, azaldu du Leire Jordanek Pertsonen eta Kudeaketa Sistemen zuzendariak. “Kableatu osoaren birtualizazioak, fabrikazioa baino askoz lehenago, hobetzeko, denbora irabazteko eta zati mekanikoarekin paraleloan lan egiteko aukera ematen du “, zehazten du. Einnek Bizkaian UL508A araudiaren arabera ziurtatutako ekipo elektrikoen lehen fabrikatzailea da, eta bere produktuak Estatu Batuetan eta Kanadan eskaintzeko eta jarduteko gaitasuna ematen dio.
Nola ezagutu zenuten ekinBarri eredua?
CEBEK Emprende sarietara aurkeztu ginen 2021ean. Ez genuen irabaztea lortu, baina sariak banatzeko ekitaldira gonbidatu gintuzten, 2021eko abenduaren 28an. Eta han ekinBarri aurkeztu zuten. Lanean hasia zen enpresa batek bere esperientzia azaldu zuen. Entzun nuen guztia Einnek behar zuena zen. Urtarrilean sei hilabeteko prestakuntza hasi genuen. Einnek osatzen zuten hiru bazkideok eta beste lau lagunek egin genuen. Gero ekinBarri zabaldu genien gainerako pertsonei. Eta lanean jarraitzen dugu.
¿Zer aplikatu duzue orain arte?
Enpresaren misioa eta ikuspegia berrikusi ditugu, asmo handiagokoak izan daitezen. Gure egiturari buelta eman diogu lortu nahi dugunaren arabera, lortu nahi dugun ikuspegi horren arabera. Prestakuntza asko landu dugu eta barne eta kanpo prestakuntzarekin jarraitzen dugu, ekinBarrik proposatzen dituen estrategia guztietan. “Aldagela emozionalak” sortu ditugu, pertsona bakoitza, bere taldearen barruan, edozein kezka adierazteko edo lorpenak ospatzeko gai den konfiantza-guneak. Une bakoitzean buruan gertatzen ari zaiguna partekatzeko seguru sentitzeko espazioak dira.
Zein da orain arte ekinBarri modeloak izan duen erabilgarritasunaren pertzepzioa?
ekinBarrik proposatzen dituen estrategiek pertsonen arteko harremanak eraginkorrak izatea lortzen laguntzen dute. Sortzen ari garen lotura guztiek eta abian jartzen ari garen estrategia horiek guztiek lan-giro ona sortzen dute.
Aplikatu duzue ekinBarriren teknologia?
Bai. Eta emaitza onekin gainera. ekinBarriTECH laguntzarekin gure taldeek obetu behar zituzten konpetentzien informazioa eman zigun, horietan lan egiteko prestakuntza zehatz batekin edo pertsona jakin batzuekin egindako saio indibidualekin. ekinBarriTECH teknologiak gure usteak datu errealetara pasatzen lagundu digu. Taldeak hobetzen eta indartzen laguntzen du, bai eta erabat baloratuta ez dagoen horretan edo, ondo baloratuta egon arren, iritsi nahi dugun mailara iristen ez diren alderdietan lan egiten ere.
Zer eman dizue batez ere ekinBarrik?
Gu garatzea, gure lidergo-eskumenak hain aldakorrak diren ingurune horietan. Horrek erraztu egiten digu gure taldeak prestatzea, sendoagoak izatea eta emaitzak lortzen laguntzen digu lankidetzaren, ekintzaren eta konplexutasunaren erabileraren bidez. Hori guztia, gainera, lehen baino higadura gutxiagorekin. Gardentasunaren eta lankidetzaren ondorioz, erakundea gizatiarragoa da; jendeak bizi egiten du, sentitu egiten du konfiantza hori erabatekoa dela. Gardentasuna ezinbestekoa da bezeroekin, laguntzaileekin, hornitzaileekin.
Zer erronka garrantzitsu ditu Einnek epe laburrean?
Une honetan, enpresa guztien erronketako bat talentua erakartzea eta atxikitzea da. Bezero fidelak izateko, zerbitzuaren kalitate-plus hori eman dezakeen talde bat behar dela uste dut. Bestalde, orain arte lortu duguna egonkortzera bideratuta gaude: 3 pertsonako plantillatik 30era, 3 bezerotik 28ra eta 24 hornitzailetik 88ra igaro gara oso denbora gutxian.
CEBEK EMPRENDE SARIAREN IRABAZLEAK
2021ean aurkeztu ziren CEBEK Emprende sarira. Ez zuten lortu. Baina tematu egin ziren. Eta Einnek lortu zuen. “Energia txute bat izan zen. Lanean jarraitzeko gogoa eta indarra ematen dizu, gauzak ondo egiten ari garela sinesteaz gain “, esan du Leire Jordanek. Aitortu duenez, “egia da merkatuan ikusgarritasuna eman zigula, ez hainbeste bezero berriak lortzeko, baizik eta aliantzak eta lankidetzak ezartzeko partner-ekin eta beste enpresa batzuekin”.
