Miren Amurizak eta Arantxa Urretabizkaiak Bidebarrietako ziklo batean parte hartuko dute

09.12.2021 | 17:00
Miren Amurizak eta Arantxa Urretabizkaiak Bidebarrietako ziklo batean parte hartuko dute

Datorren asteartean Bilboko Udaleko Bidebarrieta Kulturguneak Literaturari eta bertsolaritzari buruzko eztabaida izango da Miren Amurizaren, Aritz Gorrotxategiren eta Arantxa Urretabizkaiaren partaidetzarekin. Emanaldi hori "Eztabaidak literaturarekin" zikloaren barruan dagoena euskaraz izango da eta 19:00etan hasiko da Areto Nagusian.

Bertan eztabaidatuko da ea idazlea jaiotzen den edo jaio eta egiten den; zenbat inspirazio eta zenbat lan dagoen ofizioan; eta inspirazioa non bilatzen den eta nondik datorren buruz hitz egingo dute. Horrez gain, bertsoak eta ikuskizunak idazteari buruz ere hitz egingo dute, patxadaz eta hausnarketa moduan.

Arantxa Urretabizkaia (Donostia, 1947) gaur egungo euskal letren artean aipagarrienetako bat da. Historian lizentziatua eta Euskaltzaindiko kidea, hainbat komunikabiderekin kolaboratzen du. Literaturaren esparruan ezagutarazi zen 1972an argitaratutako "San Pedro bezperaren ondokoak" poema luzearekin. Hamar urte geroago Kritikaren Sari Nazionala jaso zuen "Maitasunaren magalean" bere bigarren poema liburuagatik.

Miren Amuriza (Berriz, 1990) Euskal Filologia ikasi zuen eta ondoren Haur eta Gazte Literaturan espezializatu zen. Prentsa idatziko hainbat hedabidetan kolaboratu du eta haurrentzako hainbat liburu argitaratu ditu. "Basa" bere lehen eleberriaren egilea da, eta Igartza Saria 2017 eta Siete Calles 2019 sariak jaso zituen. Idazketa eta bertsolaritza uztartzen ditu.

BIDEBARRIETA KULTURGUNEA 

Bidebarrietako Liburutegiak kulturari eskainitako gunea da. Bere helburuen artean kultura, literatura eta zientziaren garapena eta sustapensa daude.

Sarrera doakoa eta librea izango da lekua bete arte. Bertaratzerik ez badago, aurkezpena streaming bidez jarraitu ahal izango da www.kulturguneatb.eus webgunean.

Pandemia hasi zenetik egin den bezala, Bilboko Udalak pandemiaren bilakaera jarraituko du, eta programazioaren protokoloak egokitzen joango da, osasun-agintariek une bakoitzean ezarritako neurri eta jarraibideekin bat etorriz.

noticias de deia