'Lo que la marea esconde'

María Oruñak bere liburu berria aurkeztuko du astelehenean Bidebarrietan

17.06.2021 | 17:18
Bidebarrieta Kulturguneak María Oruñaren liburu berriaren aurkezpena jasoko du.

Datorren astelehenean, ekainak 21, arratsaldeko 19:00etatik aurrera, María Oruña autoreak 'Lo que la marea esconde' izeneko bere liburu berriaren aurkezpena egingo du Bidebarrieta Kulturguneko liburutegiko areto nagusian.

'Lo que la marea esconde' María Oruñaren nobela anbizioena da. Thriller adiktibo eta dotorea da, eta Valentina Redondoren bizitzaren alderdi berri bat erakusten du. Valentina Redondok, bere karrerako kasu misteriotsuenari aurre egiteaz gain, bere bizitza pertsonalean ustekabeko kolpe harrigarri baten aurka borrokatu beharko du.

María Oruña (Vigo, 1976) idazle galiziar honek gaztetatik ezagutzen du Kantabria. Han girotu ditu "Los libros del Puerto Escondido" nobelak, guztiak Destinorekin argitaratuak: "Puerto esconde" (2015); genero beltzean egindako debut arrakastatsua, alemanera, frantsesera eta katalanera itzulia; "Un lugar a donde ir" (2017) eta "Donde fuimos invencibles" (2018). Misteriozko istorio horietan guztietan, Kantabriako paisaiak eta Valentina Redondo tenientearen taldea dira protagonistak, ehunka mila irakurleren mirespena irabazi baitute.

Bidebarrieta Kulturgunea kulturari eskainitako gunea da, Bidebarrietako liburutegiaren barruan. Kultura, literatura eta zientzia garatzea eta sustatzea du helburu.

SEGURTASUN NEURRIAK

Aurkezpen honetara joateko ezinbestekoa da Bidebarrieta Kulturgunearen webgunean eskuragarri dauden doako gonbidapenetako bat erreserbatzea.

Egungo egoeraren ondoriozko segurtasun neurriak direla eta, aretoko ateak 18:15ean irekiko dira, bertaratutakoak beren aulkietan egokitzeko. Ezin bada parte hartu, hitzordua streaming bidez jarraitu ahal izango da webgunean.

Une bakoitzean indarra duten babes eta higiene neurriak zorrotz beteko dira. Era berean, ekitaldia egiten den bitartean maskara erabili beharko da.

noticias de deia