Maiatzaren 30era arte

Zabalik dago Blas de Otero poesia lehiaketan izena emateko epea

21.04.2020 | 16:07
Blas de Otero poesía lehiaketaren XII. edizioaren kartela.

BILBO. Hemen da jada Blas de Otero-Bilbo Uria Nazioarteko Poesia Lehiaketaren hamairugarren edizioa. Lehiaketan izena emateko epea irekita dago dagoeneko, eta maiatzaren 30era arte iraungo du zabalik. Bilboko Udalak eta Blas de Otero Fundazioak antolatzen dute ekitaldi hau.

Lehiaketa honetan nazionalitate eta leku guztietako idazleek har dezakete parte, eta aurten ere bi kategoria ezarri dira: euskara eta gaztelania. Bi modalitateek 5.500 euroko saria dute. Lehiaketan parte hartu ahal izateko, aurkezten diren lanak originalak, argitaratu gabeak eta, argitaratuz gero, aipatu beharreko saririk eta accesitik lortu bakoak izan behar dira. Lehiaketan ez dira originaltzat hartuko aukeratutako modalitatekoa ez den beste hizkuntza batetik itzulitako lanak.

Poemen gaia, errima eta neurria libreak izango dira, baina gutxienez 700 bertso-lerroak eta gehienez 1.000 izan behar dituzte. Lanak maiatzaren 30a baino lehen bidali behar dira formatu digitalean. Formatu hori onartu bakarra da, eta Udalaren web orriaren bidez bidali behar dira, helbide hauetara: www.bilbao.eus/premioblasdeotero, gaztelaniaz idatzitako lanak direnean, eta www.bilbao.eus/blasdeoterolehiaketa, euskarazko jatorrizkoak direnean.

Aurreko edizioan, Amparo López Pascual, Guadalajarako idazlea, izan zen gaztelaniazko modalitatearen irabazlea bere poema-liburuagatik Ahora soy un pájaro izenekoa, eta, euskararen kategorian, Lemoako Eva Pérez-Pons Andrade poeta eta ingeniari gaztearentzat izan zen, Zaharkitzapen programatua lanagatik.

Blas de Otero-Bilbo Uria Nazioarteko Poesia Saria literatur sorkuntza sustatzeko eta Herriko bizilagunei bertako autorerik garrantzitsuenetariko baten irudia eta lana hurbiltzeko sortu zen.