Jane Austenen literatura, berriro euskaraz

BILBO. Duela 20 urte euskaratu zuen Ana Isabel Moralesek Jane Austenen Pride & Prejudice (Harrotasuna eta aurrejuzguak), baina gaur egun orduko itzulpen hura aurkitzerik ez dago, norbanakoen etxeetan ez bada (suntsitu egin ziren bestelako aleak). Horregatik, eta Austenen lanak gaur gaurkoa izaten jarrai-tzen duelako, erabaki dute edizio berri bat egitea. Oraingoan Elkar argitaletxeak hartu du ardura nagusia, EIZIE eta Eusko Jaurlaritzaren babes eta laguntza izan duela. Ana Isabel Moralesek nabarmendu du literaturan "canon patriarkala apurtu zuen obra" dela Jane Austenena. Errepasatu, txukundu eta gaurkotu egin du liburua bilbotar itzultzaileak, Xabier Mendigurenen laguntzaz.