Barakaldoko Udalak abiarazitako neurria

Harrera ona izan du ostalaritza-establezimenduei bideratutako laguntzen deialdiak

04.12.2020 | 19:58

BARAKALDO. Barakaldoko 382 ostalaritza-establezimenduk eskatu egin dute dagoeneko itzuli beharrik gabeko 800 euroko laguntza. Udalak koronabirusaren krisialdiak eragindako kalte ekonomikoak gutxitzeko abiarazitako neurriak harrera ona izan du herriko establezimenduen artean. Laguntza hau eskatzeko epea datorren ostegunean, abenduak 10, amaituko da.

"Udalerriko lokal guztiak animatu nahi ditugu laguntza ekimen honekin bat egitera, ez baitugu nahi inork testuinguru zail honetan sortu nahi ditugun aukerak galtzea", esan du David Solla Ekonomia Sustatzeko zinegotziak. "Gainera, gogoratu behar da laguntza hori eska daitekeela, nahiz eta gaur egun janaria eta edaria etxera eramateko zerbitzua eskaintzen ari den ".

Laguntza horren zenbatekoa finkoa da, 800 eurokoa establezimendu bakoitzeko, eta horren onuradun izan daitezke kalean lokal irekia duten ostalaritza-negozioak, krisi sanitarioaren ondorioz ixteko neurri espezifikoei buruzko Eusko Jaurlaritzaren dekretuaren eraginpean daudenak. Gainera, zenbateko hori jasotzea bateragarria da beste ekarpen publiko batzuekin.

Laguntzen ordainketa arintzeko, Inguraldek lau pertsonarekin indartu du kudeaketa arloa. Ildo horretan, erakundeak gogorarazi du eskabidea ziurtagiri elektroniko batekin egiteak aukera ematen duela eskaera azkarrago izapidetzeko eta, ondorioz, laguntza denbora laburragoan jasotzeko. Identifikazio elektronikoa lortu nahi duten pertsonek Hazen egin dezakete, ilaran itxaron gabe eta aurretiko hitzordurik eskatu gabe. Horri esker, izapide honetara eta administrazioarekin egindako beste hainbat izapidetara arinago eta errazago sartu ahal izango dira.

ESKAERA PROZESUA

Laguntza Barakaldoko Udalaren Egoitza Elektronikoaren bidez eta www.inguralde.eus webgunean eskatuko da. Bertan, laguntzaren kudeaketari eta izapidetzeari buruzko ohiko galderak ere jasotzen dira.

Aurreko aldian laguntza eskatu duten bazkideek nahikoa izango dute inprimakia beteta. Hala ere, gogoan izan formularioa behar bezala bete behar dela, eta aholkularitza baten bidez kudeatuz gero, haren datuek "ordezkaria" atalean agertu behar dutela, eta negozioaren titularraren datuek "eskatzailea" atalean.

Eskabide berriek, formularioa betetzeaz gain, honako agiri hauek aurkeztu beharko dituzte:

  • NANa pertsona fisikoa bada, IFK pertsona juridikoa bada.
  • Jarduera ekonomikoen ziurtagiria, Ogasunak egina.
  • "Hirugarrenen datuen fitxa", behar bezala beteta.

Laguntzen eskabideari buruzko argibiderik behar izanez gero, honako telefono hauetara jo daiteke: 944 78 93 95 - 944 78 94 00 (8:00 ¿ 14:00) eta helbide elektronikora: empresa@inguralde.eus

Itzuli beharrik gabeko laguntza zuzenak tokiko erakundeak martxan jarritako laguntza-sorta berrian jasotako neurrietako bat dira, Eusko Jaurlaritzak koronabirusaren hedapena kontrolatzeko ezarritako aldi baterako itxieraren ondorioak arintzen laguntzeko. Horiez gain, hainbat ekimen egin dira, besteak beste, alokairuen bitartekaritza-zerbitzua, bono-kontsumo kanpaina eta terrazen tasaren doakotasuna.

noticias de deia