Segurtasun-distantzia mantentzeko

Oinezkoentzako bideak egokitu ditu Barakaldok

14.05.2020 | 04:00

BARAKALDO. Kalera ateratzerakoan jendeak segurtasun-distantzia mantentzeko helburuarekin, Barakaldoko Udalak oinezkoentzako bideak egokitu ditu herriko auzoetan. Atzo arratsaldean jarri ziren martxan bide horiek Arrontegi, erdialdea, Arteagabeitia, Lutxana, Llano, Gurutzeta eta Burtzeña auzoetan.

Covid-19aren osasun-krisiaren ondorioz abian jarritako ekimena da, eta paseorako espazio egokiak sortzea du helburu, hiriko aisialdi-guneetan gertatzen ari ziren pilaketak saihesteko, batez ere arratsaldeko ordutegian. Hala, oinezkoentzako 8,7 kilometroko pasealekua prestatu da hirian, eta ordutegi hauetan egongo da erabilgarri:

  • Astelehenetik larunbatera, 20:00etatik 23.00:00etara
  • Igandeetan, 06:00etatik 23:00 etara.

Atzo arratsaldean hasi zen martxan dispositiboa, Babes Zibileko boluntarioen laguntzarekin, prebentzio-neurriei eutsiz paseatzeko diseinatu diren oinezkoentzako 8 bideetan eta erdipublikoetan. Ibilbide horietan, ibilgailuak aparkalekuetatik irten ahal izango dira, eta garaje pribatuetan sartu eta irten ahal izango dira. Arrazoi hori dela-eta ezarritako ordutegian, oinezkoaren aurretik zirkulatzen duten autoek 10 km/h-ko abiaduran zirkulatu beharko dute gehienez.

BIZIKKIDETZA-NEURRIAK BIDEGORRIETAN ETA PASEALEKUAN

Gainera, oinezkoen eta bizikleten arteko bizikidetza hobetzeko neurri bat ezarri da hiriko bidegorrietan eta aisialdirako guneetan (Errekatxo eta itsasadarreko pasealekua). Neurri horrekin, espazio horiek oinezkoentzako gune bihurtzen dira soilik, eta bizikletaren erabilera errepidera desbideratzen da.

Ekimen hori joan den asteburuan jarri zen abian proba pilotu gisa, eta, horren ondoren, egiaztatu da beharrezkoa zela herritarrei azpimarratzea 14 urtetik beherakoek eta haien laguntzaileek beren ordutegian erabil ditzaketela bidegorriak, ordu horietan ez baitira gurutzatzen paseatzen edo kirola egiten ari direnekin.

Horrela, bada, bidegorriak oinezkoentzat izango dira; alegia, txirrindulariek eta patinatzaileek ezin izango dituzte erabili honako ordutegi honetan:-

  • Astelehenetik ostiralera, 19:00etatik 23.00etara
  • Larunbat, igande eta jaiegunetan, 06:00etatik 12:00etara eta 19:00etatik 23:00etara.

Gainerako ordutegietan erabiltzea dago.