BILBO. E7 linea 10 minututik 10 minutura abiatuko da Plaza Biribilaren ingurutik partidua hasi baino ordubete lehenagotik eta partiduaren amaieran. 30, 71, 75 eta 76 autobus-lineek beren ibilbidea aldatuko dute, geraleku bat izango baitute, partiduak amaitzean, Juan Carlos de Gortazar kaleko biribilgunean. Informazio gehiago eskura daiteke geralekuan, 010 informazio-telefonora deituz edo udal-webgunean: bilbao.eus/bilbobus.

Bilboko Udalak garraio publikoaren erabilera sustatu nahi du. Horretarako, ohikoa denez, Bilbobusek linea berezi bat jarriko du bihar, domeka, martxoak 31; linea hori Plaza Biribilaren ingurutik irtengo da Bilbao Arenara joateko.

Horrela, bada, 12:00etan RETAbet Bilbao Basket - Chocolates Trapa Palencia partidua jokatzekoa denez, E7 linea 10 minututik 10 minutura irtengo da Plaza Biribilaren ingurutik Bilbao Arenara, partidua hasi baino ordubete lehenago hasita. Partidua amaitzean, bestalde, autobusak Bilbao Arenatik (Askatasuna/Parkea) abiatuko dira Plaza Biribileraino, Erriberako Merkatutik eta Areatzako zubitik igarota. Zerbitzu hori ere 10 minututik 10 minutura emango da geralekuan jendea geratzen den bitartean.

Beste alde batetik, erabiltzaileak hiriko beste alderdi batzuetara garraiatzeko zerbitzua bizkorrago emateko, 30, 71, 75 eta 76 autobus-lineek beren ibilbidea aldatuko dute partiduaren ondorengo minutuetan, Juan Carlos de Gortazar kaleko biribilgunean geraldi bat egingo baitute.

Bilbobus ez da garraio publikoaren aukera bakarra. Horregatik, Bilboko Udalak gogorarazten du Bilbao Arenatik 500 metroko inguruan badirela metro-, tren- edo tranbia-geralekuak, hiriko auzo guztiekin eta hurbileko herriekin konektatuta daudenak. Gainera, taxi-geraleku bat ere jarri da Askatasuna etorbideko 11 zenbakian.

Informazio gehiago eskura daiteke geralekuan, 010 informazio-telefonora deituz edo udal-webgunean: bilbao.eus/bilbobus.