Aste berezia izango da Ermua Antzokian. Astero bezala, lau estreinaldi zinematografiko eskainiko dituzte gaurtik igandera bitartean, baina oraingo honetan hainbat nobedade eskainiko ditu baita ere.
Osteguneko zineklubak euskarazko film laburren zirkuitu ibiltariaren hogeita hamahirugarren edizioko lanak eskainiko ditu, 20:30etik aurrera. ‘Laburbira'k zazpi film labur biltzen ditu, horietatik bost zuzendari emakumeenak eta beste biak zuzendari gizonezkoenak. Proiekzioaren ondoren, solasaldia izango da Ane Cuesta errealiarekin. ‘Taupak 'antolatuta,‘ Euskal Birusa' elkartearen laguntzarekin.
Zinema komertzialari dagokionez, aretoak 2026an estreinatutako bi zinta proposatzen ditu. Lehena ‘El vestido' beldurrezko eta intrigazko filma da, Jacob Santanak zuzendua eta Belén Rueda eta Vera Centenera protagonista dituena. Laurogeita hamar minutu irauten du eta kontatzen du nola Alice eta bere alaba Carla etxe zahar batera aldatzen diren dibortzio zail baten ondoren hasiera berri baten bila. Hala ere, laster konturatuko dira etxeak istorio iluna ezkutatzen duela. Larunbatean 19:30ean eta astelehenean 20:30ean ikusi ahal izango dugu, hurrenez hurren.
Asteburuko proposamenak
Bigarren proposamen komertziala ‘Cumbres borrascosas' luzemetraia da. Ekoizpen britainiarrak 136 minutu irauten du eta Emerald Fennellek zuzendutakoa da. Drama erromantikoa da. Filmak Yorkshire konderriko lurretan hazi eta gaztetan maitemindu egiten diren bi gazteren istorioa kontatzen du. Hala ere, bere maitasuna oztopo sozialek zapuztuko dute. Margot Robbie eta Jacob Elordirekin.
Azkenik, igandean, gaztetxoentzako saioan, ‘Como cabras' animazioa ikusi ahal izango dugu. 100 minutu irauten duen ekoizpen iparramerikarra da. Kirolari buruzko haurrentzako komedia. Will ahuntz txikia da, amets handiak dituena, eta bizitzan aukera paregabea jasotzen du profesionalekin bat egiteko eta orro-errugbian jokatzeko. Intentsitate handiko kirola da, mistoa eta erabateko kontaktua du, eta munduko animalia azkar eta basatienak dira nagusi. Emozioa eta erritmo bizia.
