Leioako Udalak udalerriko haur eta nerabeei zuzendutako jolas-, hezkuntza- eta kirol-jardueren edizio berri bat jarri du abian. Aurten ere, programa horiek ikaskuntza eta aisialdi aktiboa sustatu nahi dituzte uztailean, eta, aldi berean, familia eta lana uztartzea erraztu nahi dute udan.
UDA kanpaina 2012 eta 2018 urteen artean jaiotako haurrentzat izango da —biak barne—, izena emateko orduan 6 hilabetez egon behar dute Leioan erroldatuta gutxienez. Programa, euskaraz edo gaztelaniaz, bi txandatan antolatuko da: lehenengo hamabostaldia —ekainaren 30etik uztailaren 14ra—, eta bigarrena —uztailaren 15etik 30era—. Jarduerak Sakonetako kirol-instalazioetan eta Leioako zein inguruko udalerrietako espazioetan egingo dira, astelehenetik ostiralera, 10:00etatik 14:00etara. Hala ere, familia-kontziliazioa errazteko, 9:00etan aldez aurretik sartzeko aukera egongo da.
Hamabostaldi bakoitzean 400 plaza egongo dira, eta zozketa bidez esleituko dira. Leioa Kirolak-en abonatutako pertsonek 44 euro ordaindu beharko dituzte hamabostaldi bakoitzeko; abonatuak ez direnak, berriz, 71 euro. Apirilaren 22an irekiko da izen-ematea maiatzaren 4ra arte. Sakoneta Kiroldegian egin ahal izango da 9:00etatik 21:00etara, Torresolon 12:00etatik 21:30era eta https://udaletxean.leioa.eus webgunearen bidez. Plazen zozketa maiatzaren 13an egingo da, 9:30ean.
Udaltxiki
2019tik 2022ra bitartean jaiotako eta Leioan erroldatutako edo ikastetxe publikoetako batean eskolatutako txikienek Udaltxiki programaz gozatzeko aukera izango dute, uztailaren 1etik 30era. Hau ere bi txandatan banatuko da: lehenengo hamabostaldia —1etik 14ra—, eta bigarrena —15etik 30era—. Jarduerak Txomin Aresti, Artatza, Altzaga eta San Bartolomen egingo dira 9:00etatik 14:00etara. Haurtzaindegiko doako zerbitzua dago 8:00etatik; irteera 13:45an UDAn haurrak dituzten familientzat (ohartarazi beharko dute); eta eguerdiko zerbitzua (bazkaria, etxeko termoarekin eta siestarekin) 14:00etatik 16:00etara —kostu gehigarria du—.
Prezioa aldatu egiten da epearen arabera —hamabostaldia edo hilabete osoa— eta matrikulatutako anai-arreben kopuruaren arabera, DBEren edo BGDSren laguntzaren bat jasotzen duten edo eguerdiko zerbitzua gehitu nahi zaien arabera. Matrikulazioa maiatzaren 19tik 30era egongo da zabalik, biak barne, https://udaletxean.leioa.eus/ webgunean edo Herritarrentzako Arretarako Zerbitzuaren bidez. Beharrezkoa izanez gero, zozketa publikoa ekainaren 10ean egingo da, 13:00etan, Kultur Leioan.
Gazteentzako jarduerak
2008 eta 2011 urteen artean jaio eta udalerrian erroldatutako nerabeek ere aisialdi-programa bat izango dute euskaraz eta gaztelaniaz. Leioako Udaleko Kultura eta Gazteria Sailak Gazte Uda antolatuko du ekainaren 30etik uztailaren 11ra, astelehenetik ostiralera 10:00etatik 14:00etara, astero txangoa barne.
Plazak 80 izango dira eta izena emateko epea apirilaren 22an irekiko da, maiatzaren 4ra arte, bide telematikoz, www.udaletxean.leioa.eus webgunean. Tarifa 40 eurokoa izango da Kultur Leioako Laguna Txartela dutenentzat, eta 65 eurokoa txartela ez dutenentzat. Zozketa publikoa Aterpe Leioa Gaztegunean egingo da, maiatzaren 13an, 12:00etan.