Covid-19a Bizkaian

Koronabirusak hildako bat utzi du Bizkaiko egoitzetan

09.11.2020 | 12:33

BILBO. Bizkaiko Foru Aldundiak ezagutzera eman du lurraldean mendekotasuna duten adineko pertsonentzako egoitza-zentroen sareko egoera. Azken orduetan egoiliar bat hil egin da koronabirusak jota.

Azaroaren 7aren amaieran, Bizkaiko Lurralde Historikoan adinekoentzat baimenduta dauden 155 egoitzetan (guztira, 10.748 plaza), pertsona hauek zeuden koronabirusak jota, Gizarte Ekintza Saileko Ikuskapen eta Kontrol Zerbitzuak eskuragarri jarritako informazioaren arabera:

  • Positiboa baieztatua duten egoitzako erabiltzaileak: 30
  • Positiboa baieztatua duten egoitzako erabiltzaileak, ospitaleratuta daudenak: 15
  • Sendatu diren egoitzako erabiltzaileak (koronabirusan negatibo, aurretik positibo emanda): 2.067
  • Positiboa baieztatua duten egoitzako langileak: 87
  • Isolatuta dauden langileak (koronabirusa baieztatu gabe): 74

Gaur egun, 7 egoitzatan daude gaixotutako egoiliarrak: Aspaldiko-Portugalete (10), Aitzea-Gamiz-Fika (7), Olimpia-Bilbao (5), Joxe Miel Barandiaran-Durango (3), Conde Aresti-Bilbao (2), Anai Cantero II-Bilbao (2) eta Zorrozgoiti-Bilbao (1).

Horrez gain, Birjinetxeko unitate soziosanitario espezializatuak, koronabirus bidezko infekzio-kasuak artatzeko, 92 adineko hartzen ditu. Pertsona horietatik, 50 egoitza-zentroen sareko erabiltzaileak dira, eta 42 zaurtasun-egoeran dauden pertsonak, zeinak koarentenan dauden ospitaleratuta egon ondoren.

Era berean, Unbeko unitate soziosanitario espelizatuak, koronabirus bidezko infekzio-kasuak artatzeko, 19 adineko hartzen ditu. Pertsona horietatik, 4 egoitza-zentroen sareko erabiltzaileak dira, eta 15 zaurtasun-egoeran dauden pertsonak.

Azken orduetan 9 egoitzako erabiltzaile sendatu dira (koronabirusan negatibo, aurretik positibo emanda).