Bi eredu ezberdin

Bizkaibus autobus elektrikoak probatuko dira aste honetan zehar

22.10.2020 | 17:27
Urbino 12 Electric, probatuko den lehenengo autobusa.

BILBO. Autobus elektriko bi probatu egingo dira aste honetan zehar Bizkaibus zerbitzuaren hainbat lineatan, bere ezaugarrietara nola egokitzen den fragatzeko. Bizkaiko Foru Aldundiko Garraio eta Mugikortasun Jasangarria Sustatzeko Foru Sailak abiarazi egin du ekimen hau.

Probatu den lehen ibilgailua Urbino 12 Electric deritzon modeloa da, CAF euskal enpresa-taldeko Solaris enpresarena dena. Astean zehar "benetako ibilbide-probak" egingo dituen autobus elektriko bat, Bizkaibuseko zenbait lineatan, besteak beste, A3141 Gurutzeta/Cruces-Bagatza-Trapagaran; A3422 Areeta/Las Arenas - Berango edo A3421 Areeta/Las Arenas - Armintzan lineetan. "Hiri-trazadura" handiko lineak dira, "Biztanleria-dentsitate handiko" udalerrien artekoak.

Aurreikuspenen arabera, proba-egunetan, autobus elektrikoak autobus "nagusiaren" ibilbide berberak egingo ditu, egunean 200 kilometro ingurukoak. Bidaiaririk gabe joango da, baina 3.500 kg-ko karga gehigarriarekin "trabatuta". Era berean, "nolabaiteko exijentzia-probak" egingo dira zailtasun teknikoak dituzten puntuetan, autobus berri horien erantzuna egiaztatzeko; kontsumoari, denborei edo abiadurei buruzko datu teknikoak hartuko dira, eta txosten tekniko bat egingo da, haien portaera "errealean" oinarrituta.

Testatu beharreko bigarren ibilgailua ietram modeloaren unitate bat izango da, erabat elektrikoa, kasu honetan IRIZAR euskal autobus-fabrikatzailearena, datorren azaroaren hasieran egitea aurreikusita dagoen proba batean.

"Zailtasun une batean gaude" - gogorarazi du Miguel Angel Gomez Viar Garraio eta Mugikortasun Iraunkorreko diputatuak- "baina azken urteotan Bizkaibuseko flotari gero eta ibilgailu garbiagoak eta ingurumenarekiko errespetutsuagoak gehitzeko egiten ari garen apustu garrantzitsua mahai gainean dago oraindik".

Eta hortik dator, hain zuzen ere, "elektromugikortasunaren" aldeko apustu hau, eta apustu hori "zuhurtziaz egin behar dela" uste du.. "Horregatik, teknologia horretako ibilgailuren bat hurrengo lizitazioetan erostea erabaki aurretik, zerbitzuaren beharrizanetara ondoen egokitzen diren ezaugarriak zeintzuk diren egiaztatu nahi dugu".

HIBRIDOAK

Bizkaibusek guztira 336 ibilgailu ditu gaur egun, eta dagoeneko denek betetzen dituzte "Europako ingurumenaren arloko gidalerrorik zorrotzenak".

Ibilgailu horietatik, 28 hibridoak (motor elektrikoa eta errekuntza-motorra) dira, eta datozen hilabeteetan I. motako 12 metroko 8 hibrido gehiago eta 15 metroko beste 2 erosiko dira. Horrek esan nahi du 2021aren amaierarako ezaugarri horietako 38 autobus egongo direla, Bizkaibusen flotaren % 11,3, dena.