Bilboko Udaleko Hezkuntza Arloak "Patio Irekiak" zerbitzua jarri du martxan, eskola-patioak irekitzea eta dinamizatzea helburu duen proiektu pilotua. Oraingoz, zerbitzua Indautxuko Eskolan eta Basurtuko Eskolan hasiko da.

Eider Bilbao Bilboko Udaleko Hezkuntza Arloko zinegotzi delegatuak azaldu duenez, "zerbitzu berri honek eskola-komunitateak eta auzo-elkarteek adierazitako gizarte-eskaerari erantzutea du helburu, gazteek jolasteko eta elkarrekin bizitzeko espazio publiko seguru gehiago eskatzen baitituzte".

Ekimen honen bidez, Bilboko Udaleko Hezkuntza Arloak gune horiek haurrentzako topagune seguru bihurtu nahi ditu – batez ere 6 eta 12 urte bitarteko ikasle bilbotarrentzat – nerabezaroarentzat eta hiriko familientzat, eta, aldi berean, jolasa eta sozializazioa sustatzen dira.

Patioak hainbat ordutegitan egongo dira irekita asteazkenetik igandera, eta horiek dinamizatzeaz arduratuko diren hiru arduradun izango dituzte. Horretarako, jolas- eta kirol-materialak izango dituzte. Zinegotziak zehaztu duenez, "zerbitzua publikoa eta doakoa da. Hori bai, familiak edo tutoreak izango dira adingabeen arduradunak egonaldian".

INTEGRAZIO ETA KOHESIO SOZIALERAKO ESPAZIOAK

Horrela, Bilboko Udaleko Hezkuntza Arloak aurrera egin du eskolako jolastokiak espazio ireki eta inklusibo gisa bultzatzeko apustuan, haurrek eta nerabeek ingurune seguru batean harreman-dinamikak garatu ahal izan ditzaten. "Gainera, berrikuntza sozialeko ekimen bat da, erabilera komunitarioa sustatzeko eta desberdintasun sozialak murrizteko dauden azpiegiturak optimizatzen dituena", gogorarazi du Eider Bilbaok.

Gaur egun, Bilbon 33 ikastetxe daude, eta horietako batzuk eskola-ordutegitik kanpo daude irekita. Hala ere, bi kasutan izan ezik, ez dute dinamizaziorik. Proiektu pilotu honen bidez, jokoaren eta parte-hartze komunitarioaren bidez bizikidetza eta gizarte-kohesioa indartuko dituen eredu baterako oinarriak ezarri nahi dira.

INDAUTXUKO ESKOLA ETA BASURTOKO ESKOLA

  • Basurto (Zankoeta kalea, 2): 12/02/2025tik 19/06/2025ra arte. Asteazkena: 15:30-19:00. Osteguna: 16:45-19:00. Larunbata: 10:00-14:00 / 16:00-19:00. Igandea: 10:00-14:00.
  • Indautxu (Manuel Allende kalea, 28): 14/02/2025tik 19/06/2025ra arte. Asteazkena: 16:45-19:00. Osteguna: 16:45-19:00. Ostirala: 16:45-19:00. Larunbata: 10:00-14:00/16:00-19:00 Igandea: 10:00-14:00.

GAZTEEN ENPLEGAGARRITASUNA

Proiektu hau LANBIDEk finantzatutako "Lehen esperientzia profesionala administrazio publikoetan" programaren barruan dago, eta gizarte- eta hezkuntza-arloko hiru profesional gaztek parte hartzen dute. Guztira, "Patio Irekiak" izeneko proiektu pilotu hau abian jartzeko, hiru gazte izango dira