Urriaren 19an ospatuko da TotalEnergies Bilbao Night Marathon lasterketa

Urriaren 19an ospatuko da Estatuko Atletismo Federazioaren egitegian sartuta dagoen gauez egiten den maratoi bakarra den TotalEnergies Bilbao Night Marathon lasterketaren edizio berria. Bertan, bost kontinenteetako 15.000 korrikalari baino gehiagok hartuko dute parte, inoizko zifrarik altuena izanda.

Emakumezkoen lasterketan ere sekula baino partaidetza handiagoa izango da, 5.500 emakume baino gehiagorekin. Atzerritik ere sekula baino lasterkari gehiago etorriko da, 4.000 baino gehiago, 72 herrialdetakoak.

TotalEnergies Bilbao Night Marathon da, gainera, azken hamarkadan Bizkaian parte-hartze handiena izan duen kirol-ekitaldi herrikoia. Eta gustukoena ere bai partaideentzat, ez alferrik ezarritako epea amaitu baino hilabete eta erdi lehenago dortsal guztiak salduta zeuden.  Arrakasta du, ez bakarrik antolaketa mailan eta Bilboko kirolarentzat, baita uriko ekonomiarentzat ere; izan ere, ekitaldiak 6 milioi euro inguruko eragin ekonomikoa du, parte-hartzaileen % 64 Bizkaitik kanpokoak direlako, horietako 4.000 baino gehiago atzerritarrak. Atzerritarren artean, aipatzekoak dira frantsesak (1.000 baino gehiago), ingelesak (400) eta italiarrak (300), eta 1.500 madrildar eta 900 katalan baino gehiago.  

Gainera, emakumeen partaidetza gora egiten ari da urtetik urtera; aurten 5.500 baino gehiago izango dira (guztizkoaren % 38), inoiz baino gehiago, eta Piraten Lasterketan daukaten partaidetza, % 44koa, berdintasunetik oso hurbil dago.  

Hala, lasterketaren hiru modalitateetako irteerak – maratoia, maratoi erdia eta 10K- 19:00etan izango dira, baina 18:00etan, berotzen hasteko, kontzertua hasiko da helmugan. TotalEnergies Bilbao Night Marathon lasterketa San Mames estadiotik abiatuko da eta kale nagusiak zeharkatu ondoren -zirkuitu urbanoa hobetu egin da, atleten markak hobetzearren- Guggenheim museoan izango du helmuga.

Ibilbidea nazioartean homologatuta dago eta bi itzuli egiten ditu; halaber, aukera ematen die laguntzaileei atleten eboluzioa erraz jarraitzeko, ibilbidearen hainbat puntutan, oso urrun joan beharrik gabe. Pribilegioa benetan, ez baitira asko horregatik harro ager daitezkeen hiriak. Ibilbidean zehar musika-bandekin eta DJ-ekin zortzi eszenatoki egongo dira lasterketan parte hartu eta parte hartuko dutenentzako animazio-puntu gisa.  Argiz, soinuz eta su artifizialezko ikuskizun handia, urira jai-girorik onena ekarriko duena lasterkariak hegaz eroateko.

Lasterketak gaikako bilketa eginez jasangarritasuna sustatzen duen Erronka Garbia zigilua du, hau da, , lasterkariek ontziak behar den lekuan utz ditzaten eta inpaktua minimiza dezaten. Gainera, erabilera bat baino gehiagoko produktu birziklatuak eta birziklagarriak erabiliko dira.