'This is Basque Design' merkatua itzuliko da Azkuna Zentrora

Azkuna Zentroak This is Basque Design merkatuaren edizio berri bat jasoko du uztailaren 12tik 14ra bitartean. Bertan, diseinu-komunitatea osatzen duten hogeita hamar sortzaileak bilduko dira, produktuak erakusteko Kulturen Atarian.

Azkuna Zentroak 2019an jarri zuen abian This is Basque Design, bertako diseinua eta sormen-industriak sustatzeko helburuarekin. Proiektua DendAZen gauzatu zen, Azkuna Zentroaren saltokian; eta bost urte hauetan diseinuaren erreferentzia bihurtu da. 

Espazioa show room dinamiko eta bizia da, eta diseinatzaileen lana eta sorkuntza-prozesua balioesten ditu, erosketa sortzailearen kontzeptua sustatuz. Beraz, produktuaren balio erantsia du bereizgarri, agerian jartzen baitu bertakoa dena, jasangarritasuna, Do It Yourself ikuspegia, esklusibotasuna eta, batez ere, bertako sormena eta diseinua ikustaraztea.

Zentzu honetan This is Basque Design Merkatua aukera ezin hobea da DendAZ osatzen duten enpresen atzean dagoen proiektu pertsonala eta profesionala ezagutzeko: bertako ekoizpena, artisautzakoa, kalitatezkoa eta jasangarritasunarekin konprometitua.

Azkuna Zentroa - Alhondiga Bilbaoko edizioak

Azkuna Zentroak, gainera, Zentroan egiten diren erakusketekin lotutako liburuak eta katalogoak argitaratzen ditu. Horietako bat Bene Bergadoresn Urritu katalogo-liburua da. Erakusketaren erregistro bisuala izateaz gain, desazkundeari buruzko saiakera bat da, Bene Bergadok eta artista eta proiektuaren korrelatore Juan Luis Morazak idatzia. Azkuna Zentroaren argitalpen honetan, eskultoreak Margarita Mediavillarekin izandako elkarrizketa bat jaso da. 

Bestea Isabel de Naveran komisario eta idazlearen Uhina gogoan proiektua da. Uhina gogoan idazketa kuradoretza-modu gisa hartzen duen ikerketa-eremua. Arreta berezia jarriz gorputzaren pertzepzioan, zentzumen sentsorial eta intelektualen lokailua den aldetik, proiektuak idazketa bat entseatunahi du, aldi berean entzuteko gailu eta ikerketa-metodologia dena: saiakerako idazketa, sentsuala, sentikorra, fisikoa eta materiala. 

This is Basque Design merkatua tailerrak

Ohikoa denez, This is Basque Designek hainbat tailer eta hitzaldiz osatutako programazioa du bertako artistekin. Horrela, bisitariak diseinu eta fabrikazio teknika ezberdinak ikasi eta praktikatzeko aukera du. Gainera, Atrioko standetan, diseinatzaile batzuek beren ibilbide profesionalak eta beren marken bidez garatzen dituzten sormen-prozesuak partekatuko dituzte publikoarekin.

1. Basa-loreetan oinarritutako 3Dko bitxiak inprimatzea MrLaspiurrekin. MrLaspiurrek 3Dn inprimatutako bitxiak sortzen ditu, artea, diseinua eta teknologia berriak uztartuz. Tailer honen xedea da hurbiltzea 3Dko inprimaketara eta ehungintzari aplikatutako fabrikazio digitaleko sistema berriztagarrietara. PLAn (azido polilaktikoan) osagarri bat sortuz, prozesuaren fase guztiak landuko dira: ideiak bilatzea, zirriborroak eta diseinua, 3Dko modelatua, inprimaketa eta fabrikazioa.
2. Bilboko lauza sortzeko tailerra The Real Studiorekin.The Real Studio-k diseinu parametrikoa eta fabrikazio digitalekoa erabiltzen du proiektu guztietan, eta material biodegradagarriez edo naturalez baliatzen da, hala nola PLAz (azido polilaktikoaz), PETez (polietileno tereftalatoaz), zeramikaz eta zuraz. Tailer honek bi zati ditu: Alde batetik, Bilboko lauza ikonikoaren pieza batzuk sortuko dira. Eta, bestetik, eskuz egindako pieza baten molde bat egingo da, gero fabrikatzeko.
3. Feltrozko ehunak sortzeko tailerra Yolanda Sánchezekin. Yolanda Sánchez sorkuntza plastikoaren eta artisautzaren munduan dago ardaztuta, ehungintzan espezializatuta, eta zetan, artilean eta beste lehengai natural batzuetan oinarritutako ekoizpena du. Sorkuntza-tailer honek aukera ematen du Botanical Felt mundura hurbiltzeko, pieza bat diseinatuz, eta horretarako ez da aldez aurretik esperientziarik izan behar. Prozesuan kolore, ehundura eta patroiekin esperimentatuko da feltrozko sorkuntza botanikoak egiteko.