Datorren asteazkenean, azaroaren 29an, arratsaldeko 19.00etatik aurrera, Manuel Jabois idazleak argitaratu berri duen 'Mirafiori' izeneko eleberria aurkeztuko du Bidebarrieta Kulturguneko liburutegiko areto nagusian. Autorearekin batera César Coca kazetaria egongo da ekitaldian.
'Mirafiori' maitasun istorio bat da, eta bizitzan eta heriotzan ezinezkoan sinetsarazi diezaguketen moduari buruzkoa. Valentina Barreirok eta istorio honen kontalariak nerabezaroan ezagutu zuten elkar, eta sekretu bat partekatu dute bizitza osoan. Berrogei urte betetakoan, Valentina aktore arrakastatsua da, eta gizon burugabea. Ahal duen moduan maite duen gizona. Orduan bakarrik, berandu denean, ezagutuko dute elkar. Gertatzen den guztia ezin ulertzearen zailtasunari eta emozioari buruzko nobela da hau.
Manuel Jabois Sanxenxon (Pontevedra) jaio zen 1978an, eta Diario de Pontevedran hasi zuen kazetari ibilbidea. El Mundotik igaro ondoren, 2015etik erreportajeak, kronikak eta zutabeak idazten ditu El País egunkarian. Cadena SER irratiko Hora 25 saioan ere badu eguneroko tartea. Idazle gisa, "A estación violencia" (2008), "Irse a Madrid" (2011) eta "Hay más cuernos en un buenas noches" (2022) artikuluen bilduma, "Grupo Salvaje" (2012) eta "Manu" (2013) memoria laburrak eta M-11ri buruzko "Nos vemos en esta vida o en la otra" (2016) lan luzea argitaratu ditu. 2019an, arrakasta handiz argitaratu zuen bere lehen eleberria, "Malaherba". Egindako bigarren eleberriarekin, "Miss Marte" (Alfaguara, 2021), bere belaunaldiko gaztelaniazko idazlerik ezagunenetako batean bihurtzea lortu zuen. "Mirafiori" (2023) bere hirugarren eleberria da.
Bidebarrieta Kulturgunea Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago. Hitzordu honetarako sarrera doakoa da eta sarrera librea izango da lekua bete arte. Bertaratzerik ez badago, aurkezpena streaming bidez jarraitu ahal izango da Bidebarrieta Kulturgunearen YouTubeko kanalean.
