Datorren astelehenetik aurrera hasiko dira maiatzaren 28ko foru eta udal hauteskundeetako mahaietara deitzeko gutunak bidaltzen. Ekitaldi honetan, Bilbok 358 hauteskunde-mahai eta 48 hautesleku izango ditu. Mahaietan 1.074 kide izango dira –mahaiburuak, lehen mahaikideak eta bigarren mahaikideak–. Lehenengo deialdi batean, 3.222 pertsonari egin zaie dei mahaitako kide izateko, ordezkoak barne direla.

267.899 bilbotarri egin zaie dei datorren maiatzaren 28an botoa ematera.

Orain hurrengoko hauteskundeen aldean (2020an egin ziren), haietan prebentzio-neurri batzuk izan ziren COVID-19aren aurka, eta dagoeneko ez dira beharrezkoak. Hala, bada, beste era batera banatu dira hauteslekuak, orduan gehitutako batzuei eutsiz, baina gainerakoak ezabatuz, eta ezabatutako hauteslekuetako hauteskunde-mahaiak beste nonbait kokatuz.

Aldaketa horiez gain, Elejabarri hauteslekua kendu egin da, hango 4 mahaiak Errekaldeko udaltegian kokatu dira berriro: askoz irisgarritasun handiagoa du, eta, gainera, boto-emaile gehiagorengandik hurbilago.

Bestalde, Ramón y Cajal Helduen Hezkuntzako zentroan obrak egiten ari direla eta, hango 6 hauteskunde-mahaiak aldatu egingo dira Otxarkoagako Udaltegira, aldi baterako. Hobekuntza-lan horiek direla eta, Sarrikueko hauteslekuko bi hauteskunde-mahaiak Ave María Ikastetxera eraman dira aldi baterako.

Azkenik, aldaketak izan dira beste hauteskunde-mahai batzuetan ere, bateratu eta/edo banandu egin baitira, eta ahalegina egin da beheko solairuetan jartzeko albait hauteskunde-mahai gehien: 216 hauteskunde-mahai beheko solairuetan, 127 mahai lehenengo solairuetan, eta 15 mahai bigarren solairuetan. 

Bilboko Udalak gogorarazi die herritarrei axola handikoa dela errolda begiratzea eta botoa non eman behar den begiratzea, eta informazio hori etxean bertan jasotzen dela hauteskundeak baino egun batzuk lehenago.

Gainera, Udalak beste erlaitz bat jarriko du Geobilbaon, hauteslekuak non dauden adieraziz, hartara bizitokiaren helbide bat ematean pantailan adierazita ager dadin zein hauteslekutan eman behar den botoa.

Boto-paperak, gutun-azalak eta hauteskunde-agiriak

Hasierako logistika-prestakizunak 2022ko abenduan hasi ziren, baina boto-paperak eta dokumentazioa prestatzeko lan zuzenekoagoa maiatzean egingo da.

Hautesleku horiek muntatzeko lanak maiatzaren 22tik 26ra egingo dira, eta 7 talde arituko dira horretan, 49 udal langilez osatua bakoitza. Hauteskunde-mahaiak maiatzaren 26an (barikua) eta maiatzaren 27an (zapatua) egokituko dira.

  • Guztira 716 hautetsontzi erabiliko dira (358 hautetsontzi udaletako hauteskunde-prozesuetan + 358 foru erakundeetarako hauteskunde-prozesuetan), eta 316 hauteskunde-kabina.
  • Boto-paperak: 4.400.000 gutxi gorabehera.
  • Boto-gutunez den bezainbatean, 210.000, gutxi gorabehera, hauteskunde-prozesu bietako bakoitzean.
  • Hauteskunde-dokumentazioa: aktak, zerrendak...358 gutun-azal hauteskunde-dokumentazioa daramatenak eta beste 358 hauteskunde-mahaietarako materiala eta/edo idazmahaiko kitak daramatzatenak.

1.550 pertsona hauteskunde-logistikan parte hartzen

1.550 pertsonak parte hartuko dute hauteskunde-logistikan.

Muntatze eta desmuntatze lanak:

  • 7 talde, eta, batez beste, 51 mahai prestatzeko eta muntatzeko.
  • 7 talde-arduradun (maiatzaren 10a - maiatzaren 30a). Prestakuntza ematea, prestaketa logistikoak, hauteslekuak, mahaien boto-kutxen aurrerapena.
  • 42 behargin -6 talde bakoitzeko- (maiatzaren 22a – maiatzaren 30a). Mahaiak prestatzea, banatzea, muntatzea eta desmuntatzea.
  • 7 gidari, banatzeko eta jasotzeko kamioekin (maiatzaren 22an eta 23an, eta maiatzaren 30ean). Kutxak, hautetsontziak eta kabinak biltzea eta banatzea.

Hauteskunde-eguna

  • Hauteslekuetako eta boto-zenbaketaren behin-behineko transmisioko 80 arduradun
  • Administrazioko 159 arduradun
  • 12 pertsona – gorabeherak kontrolatu eta konpontzeko
  • + 100 pertsona hauteskunde-zentroak ireki, itxi eta kudeatzeko lanetan
  • Bizkaiko Gurutze Gorriko 90 boluntario, mahai-kopuru handienak dauzkaten hauteslekuetarako sarreretan laguntzen.