BILBAO. Bilboko Udalak beste bultzadatxo bat eman dio hiriko kirol-jarduerari; izan ere, Errekaldeko Fango kiroldegiko errugbi-zelaian harmaila estali bat eta instalazio osagarri batzuk eraikiko ditu.

Lanak hasi dira. Gutxi gorabehera hamabost hasteko egikaritze-epea izango dute, eta 619.875,52 euroko aurrekontu osoa. Jarduketa horiei esker, 300 pertsona baino gehiago hartzeko gaitasuna izango duen harmaila bat eraikiko da, baita egokitutako komun bat eta etorkizunean instalazioak osatzeko espazio diafano bat ere. .

Modu horretan, Bilboko Udalak, Bilbao Kirolak udal-erakundearen bidez, 2017ko parte-hartze izaerako aurrekontuetan onetsitako proiektu nagusietako bat burutuko du. Aurrekontu horien bidez, 2017an zehar herritarrek egindako proposamenak bildu eta burutzen ari dira, 2 milioi euroko balioa daukatenak.

TRIANGELU FORMAKO TRIBUNA BAT HAIZETIK ETA ZARATATIK BABESTEKO

Harmaila berria Errekaldeko udal-kiroldegiko errugbi-zelaiari lotuta egongo da eta triangelu forma eta V baten diseinua izango ditu. Errugbi-zelaiaren iparraldean kokatuko da, hau da, A8 autobidea mugakide duen lurzatiaren mugan. Makurtutako estalki hori harmailaren ondoan eraikiko da; hormaren atzeko aldetik igaroko diren eskailera eta arrapala batzuen bidez oinarritik hasita ikusleak euren eserlekuetara iritsi arte babestuko ditu.

Harmailaren geometria bereziari esker, kokalekuaren baldintzetara egokitu ahal izango da ?ibilgailuen zirkulazioa eta ipar-mendebaldeko haizea kontuan hartuta? ikusleak zaratatik eta baldintza klimatologikoetatik babesteko.

Harmaila berriaren eta zelaiaren arteko jarraitutasunak, gainera, begi-inpaktua murriztuko du, baita harmailetara sartzeko arrapalaren eta eskaileren kokapenak ere, harmailen atzeko aldean jarriko direnak. Lau modulutan banatuta egongo da:

  • A moduluak, txikienak, 48 ikusle hartzeko gaitasuna izango du, hiru mailatan jesarrita.
  • B moduluak sei mailatan banatutako 96 eserleku eskainiko ditu.
  • C moduluak 144 eserleku izango ditu, bederatzi mailatan banatuta.

Hiru atal horiek zutik egoteko espazio osagarri bat izango dute harmailaren goiko aldean. Bestetik, D modulua desgaitasuna duten pertsonentzako gordeta egongo da, sarbiderik errezena daukalako.