BilbaoDendak elkarteak merkataritza sariak banatuko ditu asteazken honetan

BILBO. Elkartearen merkataritza sariek bederatzigarren edizioa betetzen dute aurten, eta, orain arte, 118 establezimendu saritu ditu eta 750ek aurkeztu dute beren hautagaitza.

Ekitaldia 20:00etan hasiko da eta bertan izango dira Juan Mari Aburto Bilboko alkatea, alderdi guztietako zinegotziak, Itziar Epalza Eusko Jaurlaritzako Merkataritza eta Turismo sailburuordea, Juan Carlos Landeta Bilboko Merkataritza Ganberako idazkari nagusia, Jorge de Francisco Ikusmer Eusko Jaurlaritzako Merkataritza Behatokiko zuzendaria, Bizkaiko Aldundiko Ekonomia Sustatzeko Sailako ordezkariak, Euskal Herriko Unibertsitateko (EHU) ordezkariak eta beste 300 gonbidatu.

BilbaoDendak elkarteak jakinarazi duenez, epaimahaiak ia ehun hautagairen artean aukeratu behar izan ditu irabazleak. "Denek erakutsi dituzte Bilboko merkatal sareak duen maila ezin hobea", azpimarratu du.

Merkataritza Sariak bost mailak ditu: Marketing Kanpaina Sortzaileenari saria, Denda Jasangarriari saria, Merkataritza Ideia Hoberenari saria, Etorkizundun Tradizioari saria eta Denda Adierazgarria saria.