Bilboko Erriberako merkatuak lau informazio pantaila berri jarri ditu sarreretan
Erriberako merkatua kudeatzen duen Bilbao Zerbitzuak sozietateak 13.000 euro inbertitu ditu lau telebista pantailaren bitartez informazio zerbitzua martxan jartzeko.
BILBAO. Pantailak Bilboko elikagaien merkatuaren sarreretan egongo dira: bi Erribera kaleko sarrera nagusian egongo dira, bat San Anton aldean eta beste bat Mesedeetako kaletik dagoen sarbidean.
Pantaila horien helburu nagusia merkatuko bezeroei eta bisitariei informazioa ematea da: irekiera eta itxiera ordutegiak, ohikoak eta bereziak (Gabonetan, Aste Santuan, jaietan eta abar); merkatuan egingo diren ekitaldiak; elikadura kanpainak; merkatuko promozioak; merkatuak eskaintzen dituen zerbitzuak, erosketak etxera eramatea, batez ere; eta intereseko informazio orokorra.
Hala ere, Bilboko Udaleko iturriek prentsa ohar bidez jakinarazi dutenez, pixkanaka monitoreetan eduki gehiago sartzea aurreikusi da, Merkatarien Elkartearen laguntzari esker.