BILBO. Bilboko udaltzaingoak cannabisaren aldeko elkarte bat itxi du Cortes Kalean. Lokala miatzean agenteek konfiskatu dituzte banatzeko prest zeuden 3,5 kilo marihuana lehorreko buru, hachis kilo bat, eta manipulatutako TCH zeukaten hainbat produktu. Bilboko Udaltzaingoak elkarteko bi arduradun atxilotu ditu, 48 eta 56 urteko gizonezkoak, osasun publikoaren kontrako delitu bat egotzita.

Ikerketan, Drogaren kontrako Ikuskaritzak eta Ibaiondoko Ikuskaritzak egiaztatu ahal izan zuten lokaletik droga ateratzen zutela eta substantziak elkartearenak zirela.

Lokala miatzean, elkarteko kideek kontsumitzeko baimendutako droga kopurua baino gehiago aurkitu zuten, baita 125 landareko plantazio bat ere, landareak hazteko lanpara eta beharrezko tresna guztiekin. Itxura denez, egun gutxiren buruan uzta jasotzekoak ziren.

Legez kontrako plantazioa desegitearekin batera, agenteek konfiskatu dituzte banatzeko prest zeuden 3,5 kilo marihuana lehortuko buru, kilo bat hachis, manipulatutako eta TCH zeukaten hainbat produktu, 2.000 euro eta substantzia horiek manipulatzeko eta banatzeko hainbat tresna (balantzak, poltsak, erremintak...).

Miaketa egin ostean, lokala zigilatu zuten eta elkarteko bi arduradun atxilotu eta Miribillako polizia-egoitzara eraman zituzten, osasun publikoaren kontrako delitu bat egotzita.