Donostiak programazio zabala eskainiko du inauterietan

Koronabirusaren pandemiak eragindako egoera dela eta azken edizioak bertan behera utzi behar izan ondoren, Donostiako Udalak aurten berreskuratu egingo ditu Inauteriak. Horretarako, Udalak egitarau zabala prestatu egin du, 9 egunez jaiez gozatzeko.

Jon Insausti Donostiako Kultura zinegotziak azpimarratu duenez, 'aurtengo kartelaren izenburuak ondo adierazten duen bezala, agur esaten diogu eguneroko grisari eta kolorera pasatzen gara, inauteriek dakarkiguten umore eta alaitasunean murgilduz'. Esan agur grisari eta jan ezazu mundua!

Otsailaren 16tik 21era, haur, gazte eta nagusientzako dozenaka jarduerek hiriko kaleak beteko dituzte, otsailaren 25 eta 26rako eta martxoaren 4rako programatutakoez gain.

Aurten, San Sebastian Arena 2016ko Inauterien konpartsen aurkezpena ostegunetik ostiralera aldatuko da, otsailaren 17ra hain zuzen ere. Sarrerak Victoria Eugenia antzokiko leihatilan egongo dira salgai otsailaren 13an, astelehenean, 2 eurotako prezioan.

Martxan 'Donostian biziago' kanpaina

Bestalde, Donostiako Udalak  'Donostia biziago' kanpaina jarri du abian, hiriaren progresioan bertako biztanleek duten garrantzia nabarmentzen duena.

Kanpaina honek Donostia hiri bizia dela nabarmentzen du, bere ekarpen txiki eta handiei esker aurrera egiten duena. Donostiari bizia ematen dioten eta eremu askotan abangoardiako leku bihurtzen duten herritarrak, hala nola bizi kalitatean, ikerketan, jasangarritasunean, gastronomian, kirolean... Guztien artean hezur haragizko hiri bihurtzen dute Donostia.

Horregatik, kanpaina honen bidez giza ezaugarriak ematen zaizkio hiriari, hala nola bihotza, garuna edo muskulua, Donostia pertsonek egiten dutelako eta horiei esker bizitzaz betetako hiria delako.