Umeak oporretan daudela aprobetxatuz, Donostiako Udalak hainbat berrikuntza egiten ari da hiriko ikastetxeetan. Hobekuntza horien artean, argiztapen konbentzionala kendu eta led argiak instalatuko ditu Donostiako sei ikastetxe eta ikastola publikotan.

Zehazki, led argiztapena jarriko da Amara Berri Morlans ikastetxean, Martuteneko Arantzazuko Ama ikastetxean, Aldakoneako Zuhaiztin, Altza Ikastetxean eta Igeldo Ikastetxean. Proiektua 253.785,40 euroko aurrekontuarekin atera da lizitaziora.

Marisol Garmendia Ekologia zinegotziak adierazi duenez, "argi berri horiekin urtean 152.482 kWh-ko (gaur egun 237.200 kWh-ko) energia aurreztuko da, eta CO2 isurketak 22,8 tonatan murriztuko dira. Hala ere, argindarraren fakturan 22.924 euro aurreztuko direla aurreikusi dute. Izan ere, Led lanpara berriek balio-bizitza luzeagoa dute, birjarpen-kostu txikiagoak eta egungo balastoa edo gizentzaileak bezalako osagaien erabilera txikiago ".

Garmendiaren esanetan, "eraikinak aukeratzeko irizpide nagusia argiztapenak eraikinaren guztizko kontsumo elektrikoan suposatzen duen portzentajea izan da, eta, beraz, ikastetxeei eta erretiratuen elkarteei eman zaie lehentasuna".

EGUZKI-ENERGIA FOTOVOLTAIKOKO PLAKAK

Bestalde, Ingurumen Sailak eguzki-energia fotovoltaikoko plakak instalatuko ditu hiriko bost eraikinetan, autokontsumorako.

Marisol Garmendia Ekologia zinegotziak adierazi duenez, "instalazio horiek Udaltzaingoaren eraikinean jarriko dira, Morlanseko biribilgunean, Groseko Manteo kiroldegian, Aieteko Pio Barojakoan, Aitor ikastolan eta Bidebietako pilotalekuan. Proiektu horiek aurtengo maiatzean onartu zituen Donostiako Gobernuak, eta orain lizitaziora aterako dira 409.387,47 euroko prezioa".

Behin proiektuak esleituta (lizitaziorako bereizita joango dira), obrak hiru aste eta bost hilabete artean egitea aurreikusten da, epe luzeenean:

  • Udaltzaingoaren eraikina, lizitazio-prezioa 163.481,77 €, 5 hilabeteko obra-epearekin.
  • Manteo kiroldegia, lizitazio-prezioa 66.376,52 € eta obrako 4 hilabete
  • Pio Baroja kiroldegia, lizitazio-prezioa 100.233,98 € eta obrako 4 hilabete
  • Aitor Ikastola, lizitazio-prezioa 35.915,68 € eta obraren 3 aste
  • Bidebietako pilotalekua, lizitazio-prezioa 43.379,52 € eta obraren 3 aste