UPV/EHUko Biblioteka

GRALa prestatzeko materialak eskuragarri jarri ditu EHUk

17.04.2020 | 10:52
Ordenagailu bat EHU Bibliotekako atarian.

BILBO. Bizitzen ari garen egoera berezi honen aurrean, Euskal Herriko Unibertsitateak irtenbide bat aurkitu du Gradu Amaierako Lana (GRAL) egiten ari diren ikasleei laguntzeko. Hala, unibertsitateko Bibliotekak prestakuntza saioak eskainiko ditu, ikasleek behar dituzten materialak eskuragarri izan ditzaten.

Gaur egun, UPV/EHUko aurrez-aurreko jarduera guztiak etenda dauden arren, laguntzen jarraitu nahi du Bibliotekak eta horregatik saio horietan erabiltzen eta banatzen dituen materialak argitaratu egin ditu. Hor azaltzen dira ikerketa lana egiteko urrats nagusiak: informazioa bilatzea, emaitzak ebaluatzea, erreferentzia bibliografikoak kudeatzea eta GrALa idaztea eta aurkeztea, besteak beste.

'Itxita dioen kartelak ez digu zure zerbitzuan jarraitzea eragozten' lelopean, Bibliotekak arindu egin ditu baliabideekiko konexioa eta digitalizatutako funts bibliografiko guztietarako sarbidea. Argitalpen horietara guztietara UPV/EHUren Bibliotekaren Katalogoaren bidez sartzen da eta katalogoan identifikatzeko baldintza bakarra da "hasi saioa" botoia sakatzea.

JOVE SCIENCE EDUCATION

Halaber, UPV/EHUko Bibliotekak doako sarbidea eskaintzen du JoVE Science Education baliabidera, urrutiko irakaskuntza eta ikaskuntza bultzatzeko. Ikus-entzunezko plataforma horrek oinarri zientifikoak irakasten ditu, bideo-erakustaldi erraz eta ulerterrazen bidez. JoVE Science Education delakoaren eduki osoa eskuragarri izango dute UPV/EHUko ikasle eta langileek 2020ko ekainaren 15era arte. Edukia eskuratzeko, beharrezkoa da aldez aurretik UPV/EHUko e-mailarekin erregistratzea, hementxe. Bideo guztiak gaztelaniazko azpitituluekin eskaintzen dira.