Euskarak estrategia berria behar duen aztertuko du Euskaltzaindiak otsailean

Donostia - “Euskararentzat hil ala bizikoa da, bigarren hizkuntza izatetik lehen hizkuntza izatera pasatzeko”. Patxi Saez Beloki soziolinguistak garbi dauka euskarak estrategia berria behar duela etorkizunerako eta proposamen zehatza egin dio Euskaltzaindiari, estrategia horren diseinuan eta prozesuan lidergoa har dezan. Euskararen Akademiak eskaera aztertzeko konpromisoa hartu du otsailaren 12an egingo duen mintegian.